21 Qershor 2025
Albanian Roots shënuan në kalendarin e veprimtarive të qytetit të New York, ditën e paradës së Shqiptarëve që tashmë është një traditë e spikatur.
Prania e kryetarit Eric Adams dhe bandës frymore të policisë së Metropolit të Amerikës në paradë flet se Shqiptarët janë një komunitet frymëzues për metropolin Amerikan.
Vetë simbolet kuq e zi edhe nga policia e New York i dhanë një atmosferë festive, ndërkomunitare dhe për më shumë edhe një shprehje të pastër të dashamirësisë për kombësinë Shqiptare.
Parada e Albanian Roots është manifestimi më masiv i Shqiptarëve të Amerikës ku në zonën e tre-shtetshit të New Jersey, New York dhe Connecticut ata janë një komunitet aktiv me zë në fushën e biznesit Amerikan.
Ky manifestim i Identitetit kombëtar në zemër të qytetit New York përcjell për të gjitha mediat Amerikane dhe Shqiptare edhe tema të Çështjes së pazgjidhur të Shqiptarëve të Ballkanit. Ky fakt domethënës e bën më tërheqëse paradën jo thjesht si paradë kostumesh, vallesh, këngësh, simbolesh kombëtare; por edhe se çfarë mesazhesh patriotike përcjell kjo veprimtari përbashkuese me banderolat e përmasave të mëdha.
Me paradën e Albanian Roots Shqiptarët e Amerikës vijnë më të prezantuar si komunitet i motivuar për suksesin e jetës së tyre në tokën ku bëhen ëndrrat.
Prezantimi i bukurisë dhe krenarisë Shqiptare nga të gjitha organizatat Shqiptaro-Amerikane të çertifikuara në shtetin e New York dhe New Jersey i bën më të lehta kandidimet e ardhshme Shqiptare për në qeverisjet vendore në tri-shtetshin NJ, NY, CT apo edhe për përfaqësimin në Assamblenë e shtetit të New York.
Dalja me paradë më vete është një arritje frytdhënëse jo vetëm për Albanian Roots dhe Shqiptarët e Amerikës, por edhe do të shërbejë si shtysë për mirëorganizimin e Diasporës dhe për dy shtetet Shqiptare për të qënë më pranë Diasporës kur feston masivisht Diaspora.
Albanian Roots, faleminderit!
Diskutim rreth këtij postimi