Organizata Botërore WOA organizon Samitin Ndërkombëtar të Paqes në Prishtinë

 

Në këtë Samit, do të jetë i pranishëm Kancelari Evropian Cav Giussepe Prete – WOA,  si dhe shumë përfaqësues të tjerë nga vende të ndryshme të botës. Regjioni do të përfaqësohet nga Ambasadorët e Paqes, si nga  Shqipëria, Republika e Maqedonisë së Veriut, Mali i Zi, Serbia dhe Bosnja e Hercegovina.

Samiti i Paqes në Prishtinë ka për  qëllim afirmimin e vlerave paqësore kudo në botë, e në  veçanti raportet e mira Kosovë-Serbi.

Vlerë e Samitit do jetë edhe prezenca e komuniteteve fetare, artistike, kulturore etj.

Ky  Samit do t’i kapërcejë të gjitha dimensionet dhe do të artikulohet vetëm fjala “PAQE”.

“Respekti më i madh  është kur ne respektojmë tjetrin. Kjo është kënaqësia më e madhe kur nga brendësia e shpirtit të një Paqësori përcillet ndjenja, dashuria, vlerësimi, dhimbja, ngjyrat e jetës, por  edhe entuziazmi dhe besimi për të  ardhmen”, thuhet në njoftim.

“Paqja qoftë me ne, paqja qoftë me ju, paqe për të gjithë” – është mesazhi i  Kancelarit Evropian Giussepe Prete dhe Drejtorit të Samitit Amb. Rabit Sadiku – i nominuar si Drejtor Regjional i WOA.

Samiti Ndërkombëtar i Paqes mbahet më datë 11 shkurt, në ora 11:00 në ambientet e Kolegjit AAB në Prishtinë. / KultPlus.com