Fatmir Shurdhani drejtor ekzekutiv i QRBB – Handikos Gjilan, në profilin e tij në facebok shkruan:
“Takim me Shoqatën “FORCA” nga Kumanova në QRBB – Handikos Gjilan
Sot pata kënaqësinë të pres në objektin e QRBB – Handikos Gjilan përfaqësuesit e shoqatës së sapoformuar për personat me aftësi të kufizuara “FORCA” nga Kumanova, ku morën pjesë themeluesi i shoqatës z. Minir Ramadani me bashkëpunëtorët e tij z. Fejzulla Arifi dhe z. Selim Shabani.
Gjatë bashkëbisedimit, u prezantova punën dhe shërbimet që ofron Handikos për personat me aftësi të kufizuara: rehabilitimin e fëmijëve, shpërndarjen e mjeteve ndihmëse ortopedike, shërbimet shtëpiake nga ekipa mobile, si dhe programet e tjera që kemi zhvilluar ndër vite.
Në këtë takim, rol të rëndësishëm pati edhe Prof. Ismet Azizi, i cili shërbeu si urë lidhëse ndërmjet OJQ-ve, duke ndihmuar në forcimin e bashkëpunimit dhe shkëmbimit të përvojave.
I motivova përfaqësuesit e “FORCA”-s në rrugëtimin e tyre të ri dhe theksova gatishmërinë time dhe të Handikos Gjilan për të bashkëpunuar me të gjitha organizatat e personave me aftësi të kufizuara, si në vend ashtu edhe në rajon, për të arritur synime të përbashkëta dhe për të fuqizuar këtë komunitet.”
Discussion about this post