Në Serbi sipas rezultateve të përgjithshme të Komisionit Republikan të Zgjedhjeve (REC), dy lista zgjedhore që përfaqësojnë partitë boshnjake, Partia e Veprimit Demokratik të Sanxhakut (SDA) e liderit Uglanin, dhe Partia për Drejtësi dhe Pajtim (SPP) e të ndjerit Zukorliq siguruan secila nga dy vende në Kuvendin e Republikës së Serbisë.
Nga Partia e Aksionit Demokratik, për herë të parë në parlament ka hy tashmë një personalitet i njohur në Kosovë e më gjerë, Ahmedin Shkrijel dhe po ashtu Sellma Kuçeviq, bija e të ndjerit Shemsudin Kuçeviq.
Shqiptarët në parlamentin e Serbisë i përfaqëson për disa mandate me radhë Shaip Kamberi.
Ndër partitë e pakicës dominon Unioni i Hungarezëve të Vojvodinës me gjashtë mandate parlamentare.
Lista zgjedhore e koalicionit parazgjedhor e SPP-së dhe Bashkimit Demokratik të Kroatëve në Vojvodinë ka arritur rezultat të rëndësishëm me 29.066 vota, ndërsa SDA Sanxhak ka marrë 21.827 vota nga gjithsej votuesit që kanë dalë.
Lista zgjedhore “Aleksandar Vuçiq-Serbia nuk duhet të qëndrojë në vend” fitoi numrin më të madh të votave, duke siguruar mbi gjysmën e shumicës prej 129 deputetësh në mbledhjen e ardhshme të Parlamentit të Serbisë.
Me miratimin e raportit të REC fillojë afati 10 ditor për ndarjen e mandateve të deputetëve, i cili do të formësojë edhe më tej tablonë politike në parlamentin e ri.
Discussion about this post