Andin Hoti në profilin e tij në facebok për PRANVERA ‘81, shkruan
“Në 45 vjetorin e ngjarjeve që kulmuan procesin historik të përpjekjeve për liri dhe demokraci, nderimi për ‘brezin e republikës’ nuk është vetëm përkujtim, por edhe orientim, mesazh e angazhim për brezin tonë. Ajo që filloi si revoltë studentore në Universitetin e Prishtinës, u kthye në përcaktim popullor dhe artikulim të qartë për aspiratat e shqiptarëve në Kosovë.
“Nyja e demokracisë”, siç e ka vlerësuar babai im, Ukshin Hoti, e filloi procesin e rrënimit të ish-Jugosllavisë si një kreaturë hegjemoniste që ngulfaste zhvillimin e Kosovës. Sepse, pa këto ngjarje, as demokracia dhe as Evropa s’do të kuptohesh drejt në kontekstin e Kosovës.
Prandaj, “Kosova Republikë” nuk ishte thirrje kundër askujt, por një kërkesë themelore legjitime për barazi, zhvillim dhe demokraci.
Prandaj, viti 1981 e ka hapur procesin e pakthyeshëm të çlirimit, që kulmon pas shumë vitesh me luftën e Ushtrisë Çlirimtare të Kosovës.
Sot, 45 vjet pas, Pranvera Shqiptare na kujton se LIRIA dhe SHTETI nuk janë dhuratë, se mbrojtja e tyre kërkon dije, vendosmëri e guxim çdo ditë, brez pas brezi dhe se nderimi për të kaluarën merr kuptim vetëm kur shërben si frymëzim e përkushtim për të ardhmen.”
Discussion about this post