E para, kështu i japin fund një tranzicioni martir të integrimit të tyre në ekonominë dhe shoqërinë Greke.
E dyta,e meritojnë si e drejtë njerëzore, sepse kanë shpëtuar ekonominë e Greqisë dhe të Shqipërisë me dinjitet në kushtet e një emigracioni diskriminues.
E treta, janë qytetarët më të motivuar për liri dhe përparim të Greqisë Europiane dhe ja kanë zbardhur faqen Greqisë me krenarinë e të qënit Shqiptar.
E katërta, vetëm me përfaqësim politik, me pjekurinë e tyre do të bëhen shtyllë e demokracisë Europiane për të ardhmen e ndritur me rrënjë Shqiptare të fëmijëve të tyre.
Nuk është Shqipëria në rrezik, është morali i parti – pushtetit dhe sistemit autokratik në Shqipëri.
Hapni sytë, ndihmoni VETEN tuaj, regjistrohuni si subjekt politik dhe do të kuptoni sa fuqi kini për veten tuaj dhe Shqipërinë.
Noli dhe Konica bënë Vatrën, Vatra u bë NJË dhe bëri Shqipërinë!
Kështu, do të zbuloni më shumë rrënjë Shqiptare se çkini mbjellë Ju në Greqi!
Ju do të bëheni patjetër faktor në shtet dhe parlament në Greqi!
Ora e kombit Shqiptar po trokon.
Të dashur bashkëatdhetarë të Greqisë! Juve me regjistrimin Tuaj si subject politik do të jeni ZËRI më i vlerësuar në Parlamentin Europian!
Vendosni dhe Ju do të jeni me besë dhe Zot në parlamentin Grek dhe Europian para se Shqipëria do bëhet anëtare me të drejta të plota në BE.
Keni fatin e kombit në dorë! Ardhmërimi Juaj na bën më të dëgjuar në Diasporë dhe Europë!
Do të ndodhë! Shqiptari nuk ndalet, se ka Shqipërinë në zemër! Ju meritoni dinjitet, sepse e kini ngritur jetën në Greqi me gjak!
Unë jam dëshmitar i një udhëtimi për shpresë Europiane nga Trebeshina në Evvia.
Zoti ju bekoftë!
Ju do ta bëni se nuk ka rrugë tjetër, ose do asimiloheni! Shkurt, të presim lajmin e Albanian Movement in Greece!
God bless Shqiptarët e Greqisë!
8 Nëntor, 2024.
Diskutim rreth këtij postimi