Është hera e parë që në Beograd festohet përvjetori i shpalljes së Pavarësisë së Kosovës.
“Me ftesë të ambasadorit Jetish Jashari, për herë të parë në Beograd u festua përvjetori i Pavarësisë së Republikës së Kosovës, në 15 vjetorin e saj”, ka shkruar Ragmi Mustafa, ish-kryetar i Këshillit Kombëtar të Shqiptarëve në Serbi. Facebook.
Mustafi bëri të ditur se përveç përfaqësuesve institucionalë dhe politikë të shqiptarëve të Luginës së Preshevës, në festën e Pavarësisë së Kosovës kanë marrë pjesë edhe përfaqësues të shoqërisë civile në Beograd, si dhe përfaqësues të misioneve diplomatike ndërkombëtare.
“Një emocion i veçantë. Paç fat Kosovë”, ka shkruar Mustafi.
Në festën e Pavarësisë së Kosovës ka marrë pjesë edhe përfaqësuesi i vetëm shqiptar në Kuvendin Popullor të Serbisë, Shaip Kamberi, i cili ka shpërndarë edhe foto nga ngjarja në Facebook.
Festimi i përvjetorit të Kosovës në Beograd Foto: Anatolia: Festimi i përvjetorit të Kosovës në Beograd
Kosova shpalli pavarësinë nga Serbia më 17 shkurt 2008, por Serbia nuk e njohu Kosovën. Dialogu për normalizimin e marrëdhënieve ndërmjet Kosovës dhe Serbisë mbahet në Bruksel që nga viti 2011.
Bazuar në marrëveshjen e nënshkruar në Bruksel, Prishtina dhe Beogradi shkëmbyen oficerët e tyre të parë ndërlidhës në qershor 2013.
Burimi: www.aa.com.
Diskutim rreth këtij postimi