Refik Mehmeti, drejtues i fondacionit kulturor e humanitar “Amaneti” , në profilin e tij në facebok në lidhje me ndalimin dhe maltretimin e tij nga policija , sjhkruan:
“Fondacioni kulturor dhe humanitar “AMANETI” Tërnovc-Bujanoc
MPB Republika e Serbisë – Beograd
Lënda:
Reagim ndaj shkeljes së kodit të etikës, me rastin e ndërhyrjes së policisë pranë Qendrës Tregtare të Novi Pazarit
I nderuari kryeshef,
Kërkojmë nga shërbimi Juaj, që të merrni masa të rrepta kundër shkeljes së procedurës ligjore nga tre policë të ndërhyrjes së shpejtë , të cilët kanë shkelur kodin e etikës pranë Qendrës Tregtare të Novi Pazarit.
I nderuari kryeshef,
Më 25 prill 2024, rreth orës 23, duke u kthyer nga Qendra Tregtare në Novi Pazar, ku kam parkuar veturën time, jam futur në parking pranë MP PRODUKT, afër Aik Bank, për të blerë pije freskuese, një djalë rreth 18 vjeç vuri re se isha shqiptar në dialekt, më pyeti prej nga unë, i thashë se jam nga Tërnoci i Komunës së Bujanocit. Po ashtu, më pyeti nëse i njihja vëllezërit Maliqi, pronarë të Marketit Agro-Adria dhe i thashë se jam daja i tyre. Më pas erdhi prindi i djalit me rreth 10 persona, disa prej të cilëve kishin mjekër dhe më kërcënuan, kinse i kisha provokuar. Më kërcënuan që të largohesha nga Marketi, përndryshe do të më rrihnin, u thashë të thërrisnin policinë.
Për rreth tre minuta erdhën tre policë të ndërhyrjes së shpejtë, duke më pyetur përse bëjë problem në Market, të cilët më kërkuan dokumentet e identifikimit, u dhashë pasaportën dhe thashë se jam Myftiu i Luginës së Preshevës, ata më thanë “Eja Myfti të arrestojmë, por une kam reaguar dhe nje polic më ka goditur me grusht pas shpine e nje tjetër me shkelm në këmbë. Në vend që të merrnin në pyetje njerëzit që më kërcënonin, ata më ndaluan pa asnjë arsye.
Nga lëndimet e marra rashë përtokë dhe policia më vuri prangat dhe më tërhoqi zvarrë si kafshë deri te makina e tyre, për të më dërguar në Stacionin Policor të Novi Pazarit. Më kanë shëtitur nëpër rrugët e Novi Pazarit rreth 3-4 orë, nuk më kanë dërguar në stacionin policor, por më është afruar një polic tjetër dhe më ka thënë të bëjmë marrëveshje vëllazërore. E pyes se çfarë marrëveshje kërkon? Më thotë të shkoj në infermieri për të marrë një injeksion qetësues dhe më pas të lirohem, nuk pranova, por mjekja u tregua e sjellshme dhe me kulturë dhe tha që nuk mund t’i jap me forcë injeksionin pa dëshirën e tij. Më mbajtën në infermieri rreth 9 orë, i thashë mjekut se i kanë shkelur të gjitha procedurat ligjore, në vend që të më merrnin deklaratën në SPB më sollën në infermieri. Kërkova të më kontrollonin në detaje shpinën dhe këmbën, policia më dërgoi në spitalin psikiatrik në Kralevë dhe pas kontrollimit më thanë se jam mirë dhe nuk kam nevojë të shtrohem në spital.
I nderuari kryeshef,
Mbetemi me shpresë se kërkesa jonë do të merret në shqyrtim me mirëkuptim nga Shërbimi juaj për marrjen e masave të rrepta kundër shkeljes së procedurës nga tre zyrtarë policorë, të cilët kanë shkelur kodin e etikës të punonjësit të policisë pranë Qendrës Tregtare Novi Pazar.
Gjithashtu, kërkoj që ky rast të zbardhet zyrtarisht, të kontrollohen kamerat, pasi nuk jam fajtor, në të kundërt ky rast të bëhet publik përmes Qendrës për Informim (Press Centar), ku do të ftoj të marrin pjesë gazetarë dhe përfaqësues të lartë të OSBE-së dhe ambasadave të huaja.”
Tërnovc / Bujanoc, 26.04.2024 Fondacioni kulturor dhe humanitar “AMANETI” Tërnovc-Bujanoc
Myftiu Refik ef. Memeti –
___________________
Mob. 0638556261
Diskutim rreth këtij postimi