Dardania Press
E shtunë, 25 Mars, 2023
  • BSBS
  • Ballina
  • Kosova
  • Sanxhaku
  • Shqipëria
  • Ballkani
  • Lugina
  • Diaspora
  • Vështrime
  • Kultura
  • Histori
Nuk është gjetur asgjë
Shikoni Të Gjitha
Dardania Press
  • Ballina
  • Kosova
  • Sanxhaku
  • Shqipëria
  • Ballkani
  • Lugina
  • Diaspora
  • Vështrime
  • Kultura
  • Histori
Nuk është gjetur asgjë
Shikoni Të Gjitha
Dardania Press
Nuk është gjetur asgjë
Shikoni Të Gjitha
Home Uncategorized

Gazetarit Maxhun Smajli i urojmë sukses në “Bypass Operation” në Bavari

Nga Ramiz LUSHAJ

25 Maj, 2022
in Uncategorized
20 0
0
Gazetarit Maxhun Smajli i urojmë sukses në “Bypass Operation” në Bavari
23
SHARES
292
VIEWS
Share on FacebookShare on Twitter
Dr. Ibrahim Latifi, në ditën e sotme mëngjezore të 25 majit, në klinikën “Rottal-Inn” në Eggenfelden të Bavarisë në Gjermani, ju ka ardhë një qytetar shqiptaro-gjerman i pazakontë: për herë të parë keni pacient në një “Bypass Operation” një gazetar: Maxhun Smajlin- gazetar i gjeneratës së parë të shkollës së gazetarisë në Kosovë; gazetar i Luftës e i Paqes: gazetar i Vendlindjes Trojenike në Kosovë dhe i Mërgimit Rezident në Gjermani; botues e kryeredaktor në tre vite i revistës “Marshi i Mërgimtarit”- e vetmja në gjuhë shqipe në Europë dhe në dy vite kryeredaktor për Gjermani i “Gazeta e Alpeve”- media/print shqiptare me shpërndarjen gjeografike më të madhe në Ballkanin Perëndimor, në Europë e Amerikë (96 copë abonime/shitje vetëm në Gjermani, nga të cilat 80 copë për çdo numër në landin e Bavarisë); i shpallur “Gazetari më i mirë për Vitin 2021”.
Gazetari Maxhun Smajli të gjitha këto përkushtime vullnetare e elitare gazetarie i kishte përherë dhe duket se do i ketë përgjithmonë në plan të parë të veprimtarimit të tij, pamvarësisht se këto vazhdimisht i kryen të dytat, gjithnjë pas punës së tij pothuaj përditore shtetërore/private të rrogës së tij me bordero apo në bankomat në Vendlindje e në Gjermani.
Dr. Ibrahim Latifi, gazetari veteran në detyrë dhe ende i ri në moshë, 58 vjeçari Maxhun Smajli i Klinës, ka qënë Reporter Lufte prej 7 majit 1998, përgjatë 13 muajve të Luftës në Kosovë, duke raportuar për 147 fshatra të 11 komunave të Kosovës, si gazetar i rregullt për Radio-Televizionin e Prishtinës, me të përditshmen “Koha Ditore” e Radio “Koha”, duke bashkëpunuar dhe me gjermanen “Deutsche Welle”, me “Kosova-Press” e “Kosova e Lirë”, duke dalë nga Lufta me 1.600 fotografi, 13 VHS kaseta, 240 minutshe, 32 minikaseta inçizime tonike dhe 6 fletore me shenime, duke u cilësuar gazetari më i keqtrajtuar fizikisht në Kosovë; 18 herë i keqtrajtuar, dy herë i hedhur për vdekje, i cili për ironi të fatit e faktit shqiptar nuk ka ende as Statusin e “Veteranit të UÇK-së”, nuk mban ende asnjë dekoratë presidenciale, të cilin nuk e ruajti e mbajti as shteti i Kosovës së pasLuftës – shteti më i ri i botës, po u detyrurue në emigrojë në Gjermani – në shtetin ma të fuqishëm të Europës.
Dr. Ibrahim Latifi po due për me të thanë se Maxhun Smajli, të cilit zemra i punon jetënisht për librat, është bibliotekari shqiptar vullnetar e aksionar, ndër më të mirët e të gjitha kohërave shqiptare, sepse në kohë okupimi të Kosovës nga Serbia, 30 vjet ma herët, në prill 1992, e ngriti të parën Bibliotekë Popullore e Shkollore “Liridoni” në Kosovë, e ngriti në vendlindjen e tij, në shtëpinë e tij të madhe, në Poterç të Epërm të Klinës, derisa serbët millosheviçianë e dogjën atë bibliotekë në Kohën e Luftës së Fundit në Kosovën dardane. Tashti kësaj biblioteke i ka mbet historia e mirë dhe pllaka e përjetësimit të saj. Maxhun Smajli edhe kur erdhi emigrant rezident në Gjermani, edhe tuj punue për ditë-punën si shofer kamioni, ia mbrriti të hapte në Bavari, në tokën e tij të re, me godinë e salla leximi, me fond të pasur me libra, gazeta e revista, Bibliotekën Publike Shqiptare “Akademik Mark Krasniqi”, e vetmja e tillë në të gjithë mërgatat shqiptare në botën e sotme. Atdhetari, bibliotekari e kulturologu Maxhun Smajli, në prill 2022, i bleu në qytetin e Pejës 100 libra shkollorë, të cilat u përcollën të paketuara nga “Takimi i Madh i Prishtinës” i 13 majit 2022 për nevoja emergjente kulturore shqiptare në shkolla të Luginës së Preshevës. E për ma tepër e ma mirë, mësuesi e veprimtari Maxhun Smajli, në Vitet e 90-ta, e hapi edhe Ambulancën e parë Mjekësore në Klinë të Kosovës.
Dr. Ibrahim Latifi, ju e dini se Maxhun Smajli me zemrën e tij, janë maratonamak të rrallë, të veçantë, historik. Në kohën e Luftës së fundit në Kosovë, si reporter i Luftës së UÇK-së, i ka ba nja 2.000 km shtegtime e marshime nga beteja në betejë, nga fronti në front, nga një krahinë në tjetren, i gatshëm me ja dhanë jetën me zemër e me mendjen e tij Lirisë e Pavarësisë së Kosoës dardane. Edhe para do vitesh, në 100-vjetorin e Pavarësisë, e bani një Marshim legjendë, me simbolika të larta, me sakrifica të mëdha, me evente të veçanta, nga Gjermania në Kosovë, në Kosharen monumentale të Luftës së Kosovës; në 78 ditë-aq sa zgjati Lufta e Madhe e Kosovës, në mbi 2.000 kilomtra aq sa bani në Luftën e Kosovës.
Dr. Ibrahim Latifi, ju e dini nga shkenca mjekësore se puna e gazetarit është disa herë më e vështirë se ajo e minatorit, sikurse e mirëdini se zemra punon dykohshëm e njejtësisht, së parit: për veten e saj dhe së dytit: për trupin e njeriut. Po, mesa duket, dr. Ibrahimi, edhe ju tashma e keni kuptuar apo mësuar se zemra e gazetarit Maxhun Smajli ma shumë e ma tepër se për vetëveten e tij bio-fizike-jetësore ka punuar në Luftë e Paqe për Kombin e tij Shqiptar, për shkrimet e tij, për gazeta, revista e librat e tij, në detyra shtetërore/private të punës pagëdhënëse e jetëmbajtëse, në detyra e funksione shoqërore e humanitare, në marshime legjendë drejt Atdheut e ngjitje alpinistike në Alpet Lindore të Europës.
Dr. Ibrahim Latifi, ne te dy jemi larg gjeografikisht, por koha e bota digjitale na ka afruar shumë, për ma tepër ne “takohemi” shpesh, pasi në Klinikën tuaj “Rottal-Inn” në Eggenfelden të Bavarisë të Gjermanisë vjen e përdyjavshmja panshqiptare e ndërballkanike “Gazeta e Alpeve” (e cila gjendet në tavolinë pune, bibliotekën e vogël e sirtarët e punës tuaj). Ne, Bordi Botues e Redaksia e “Gazeta e Alpeve” në Tiranë kemi shkruar për kontributet e atributet e tua mjekësore, si portretin “Dr. Ibrahim Latifi – me dorë në punë e zemër tek Zoti”, atëherit kur iu gjende pranë zemres së atdhetarit Xhevdet Muriqi në Gjermani, pasardhës i legjendarit Zhujë Selmani të historisë, i cili pas operacionit tuaj ndihet prapë një “Zhuj Selman i Ri”. Kësaj here, pacienti yt i kahershëm e atdhetari i përhershëm, gazetari i Çmimit “Pena Alpine”, Maxhun Smajli i Kosovës e Gjermanisë, i Shqiptarisë, e ka dergje për botim në “Gazeta e Alpeve” një esse portretizuese për Ju e për rastin e tij mjekësor, me titull “Kardiologu, dr. Ibrahim Latifi dhe zemra ime e sëmurë”, që po e përcjellim në rrjete sociale panshqiptare, sepse pas “Bypass Operation” të 27 majit 2022 në klinkën Tuaj do të shkruhet shkrimi tjetër e ndryshe: “Kardiologu dr. Ibrahim Latifi dhe zemra e shëndoshur e gazetarit Maxhun Smajli”.
Dr. Ibrahim Latifi ne ndihemi me fat që të kemi dhe jemi krenarë për Ty, sepse ma shumë se 15 shqiptarë në Gjermani i keni shpëtuar nga vdekja e sigurtë; sepse spitalit ku punoni ia keni ngritur lart emrin e famën; sepse jeni mjek mjaft i kërkuar nga shqiptarët, por edhe nga gjermanët e nga të tjerët në Gjermani; po mbi të gjitha përveçse mjek i mirë jeni dhe njeri i mirë, ndaj kur kalon rrugëve të Bavarisë ndalen kalimtarët e shumtë që ta kanë provue ndihmën mjekësore e ndigjue famën doktoriale e të nderojnë me gjithë zemër, me dorë në zemër, me përzemërsi.
Dr. Ibrahimi Latifi i Prizrenit e i Bavarisë, duke e shëruar kësaj here zemren e sëmurë përkohor të gazetarit, veprimtarit, humanitarit, bibliotekarit, kulturologut, studiuesit, botuesit Maxhun Smajli, keni shëruar një zemër që ka punuar e punon për Kombin e vet Shqiptar si ma i miri djalë, si ma i forti burrë, si ma i larti personalitet.
Bordi Botues e Redaksia e “Gazeta e Alpeve” i urojnë sukses të lartë në këtë operacion zemre, gazetarit Maxhun Smajli- kryeredaktor i “Gazeta e Alpeve” për Gjermani, duke mirëpritun që me penën e tij alpine, me zemren e tij atdhetare, me mendjen e ditur, me punën e madhe botuese e shkrimore, të jetë prapë, edhe sivjet, trofetues e meritor i shpalljes “Gazetari më i mirë i Vitit 2022”.
Dr. Ibrahim Latifi, në përmbyllje, si gjithnji, edhe kësaj here, edhe për këtë rast “Bypass Operation” të 27 majit 2022 për veprimtarin atdhetar, gazetarin e botuesin, Maxhun Smajli, e meritoni respektin e mirënjohjen tonë. Zoti të bekoftë!
Tiranë, 25 maj 2022

Diskutim rreth këtij postimi

  • Aktuale
  • Komentet
  • Të reja
Qazim Haziri: Djaloshi që u dogj me benzinë për s‘gjalli

Qazim Haziri: Djaloshi që u dogj me benzinë për s‘gjalli

5 Mars, 2023
Gjenocidi serbo-malazez në krahinën e Bihorit në natën e Bozhiqit të 43-tës, sipas dokumenteve të arkivave shqiptare (I)

Gjenocidi serbo-malazez në krahinën e Bihorit në natën e Bozhiqit të 43-tës, sipas dokumenteve të arkivave shqiptare (I)

0
Gjenocidi në krahinën e  Bihorit në Natën e Bozhiqit të 43-tës, sipas dokumenteve arkivore shqiptare (II)

Gjenocidi në krahinën e  Bihorit në Natën e Bozhiqit të 43-tës, sipas dokumenteve arkivore shqiptare (II)

0
Dervish Mitrovica – delegat në Shpalljen e Pavarësisë së Shqipërisë (1912)

Dervish Mitrovica – delegat në Shpalljen e Pavarësisë së Shqipërisë (1912)

0
Sekuenca serbe

Një shpikje e presidentit Makron: “Islami francez”

0
“Marreveshja me Serbine – Çfare do te thote kjo per Kosoven”?

“Marreveshja me Serbine – Çfare do te thote kjo per Kosoven”?

24 Mars, 2023
Këshilli i Ambasadorëve Shqiptarë (KASH), zhvilloj një vizite pune në Lugine të Preshevës

Këshilli i Ambasadorëve Shqiptarë (KASH), zhvilloj një vizite pune në Lugine të Preshevës

23 Mars, 2023
Andin Hoti: Më kërkuan 400 mijë euro, për të më “dëshmuar” se Ukshin Hoti është gjallë

Hoti: Nëse Serbia s`jep informacione të klasifikuara për të zhdukurit, BE-ja duhet ta sanksionojë

22 Mars, 2023
FRAKSION APO HIPOKRIZI PARTIAKE?

 “VET’ËM BUDALLENJTË DHE TË VDEKURIT NUK NDRYSHOJNË”

21 Mars, 2023
  • Ballina
  • Kosova
  • Sanxhaku
  • Shqipëria
  • Ballkani
  • Lugina
  • Diaspora
  • Vështrime
  • Kultura
  • Histori
info@dardaniapress.net

© 2020 Dardania Press - Powered by AA.

Nuk është gjetur asgjë
Shikoni Të Gjitha
  • Ballina
  • Kosova
  • Sanxhaku
  • Shqipëria
  • Ballkani
  • Lugina
  • Diaspora
  • Vështrime
  • Kultura
  • Histori

© 2020 Dardania Press - Powered by AA.

Welcome Back!

Login to your account below

Forgotten Password?

Create New Account!

Fill the forms below to register

All fields are required. Log In

Retrieve your password

Please enter your username or email address to reset your password.

Log In