Drejtori shqiptar nga Lugina e Preshevës që u shkarkua nga pozita: Vendimi për shkarkimin tim, politik

Ai është shprehur se ky vendim ndaj tij është diskriminues dhe politik.

“Dokumenti që kam marr nga Ministria e Shëndetësisë nuk ka asnjë arsye se pse jam shkarkuar, vetëm se figuron që nuk do të jem drejtor i Shtëpisë së Shëndetit. Nuk ka asnjë arsye që është cekur pse unë nuk jam më drejtor. Komuna e Preshevës është në top pesë komunat sa i përket vaksinimit kundër COVID-19 në tërë Serbinë – është ndër komunat e para që ka vaksinuar personat mbi 65 vjet”, është shprehur Salihu në Klan Kosova.

Ai ka thënë se kishte edhe një vit deri në skadim të mandatit të tij katërvjeçar në krye të institucionit më të lartë shëndetësor në Preshevë.

“Kontrata më skadonte më 25 prill 2022. Ky vendim nuk ka të drejtë ankese. Është fuqiplotë“.

“Probleme nuk kemi pasë të gjithë stafi kanë vendim të punës. Presim nga institucionet në Kosovë dhe Shqipëri për shkak të diskriminimit të pastër. Nuk ka asnjë arsye tjetër”, shtoi ai. /Gazeta Sinjali/