Në vitin 2022 hyj në vitin e 30 të sakrificës time të punes si kompani Menakon.

Kam filluar i vetëm, pa asnjë lek. Nën okupim. Pa e ditur se çfarë më pret. I kam perjetuar të gjitha: skamjen, stresin, dhunën, luftën e lirinë, dhe për asnjë moment nuk e kam lëshuar të bekuarën Kosovë.

Kam përgaditur me mijëra vajza në lëmin e rrobaqepsisë ku sot një pjesë punojnë në kompaninë Menakon, e pjesa tjeter e atyre vajzave dhe grave kan krijuar biznese familjare me anë te cilave e mbrojnë vendin dhe familjen.

Nënat tona, gratë tona, vajzat tona, janë heroina që mbi kurrizin e tyre po mbahet familja dhe Kosova.

Unë si ndërmarrës kam sakrifikuar kënaqësitë personale vetëm e vetëm që të jem afër njeriut tim, familjes dhe Kosoves.

Sot po lexoj aq shumë komente negative për Kosovë sa jam i detyruar tju them: çdo njeri që është i pergaditur në një profesion dhe e don punen, nuk ka shansë të mos ketë punë në Kosovë.

Ju djemtë e Kosovës, burrat e saj, duhet të keni turp që aq lehtë po ikni nga Kosova. Po i leni vetëm nënat, motrat e gratë e juaja, kinse për një jetë më të mirë.

Është rrenë sepse po fshiheni mbrapa paaftësisë tuaj jo profesionale dhe 90% që ikni jashtë bëni punë pastruesi apo ngarkuesi.

Shtetit i bëj thirrje që të marr masat e shpejta dhe të bëj një takim me njerëzit ndërmarrës dhe te shohim ku është problemi.

Unë kam dy kompani, vende pune kam për 100 persona që dojnë për të punuar.

Në kompaninë Menakon ka vende të lira për: drejtor të pergjithshëm, menagjer prodhimi, dizajner, patronist, serviser makinash, rrobaqepse, shitëse online profesionale e deri në pastrues.

Kompania tjeter, Kulla e Gjinajve, e cila më është demtuar e ku shpresojmë të rifillojmë në pranverë, ofron pozita: drejtor të përgjithshëm, kontabilist, shef marketingu, menagjer furnizimi, kamarjer, shef kuzhine, kuzhinjer, ndihmësa e teknik të nevojshem të kuzhines, etj. Ikni e lëshone Kosovën se kështu don armiku…

Ne ndërmarrsit nuk jemi armiku juaj, mos ëndërroni të pasuroheni shpejt. 30 vite ndërmarrësi dhe asnjë cent nuk është investuar jashta Kosovës.

Populli im i dashur, mblidh mendjen ta ruajmë vendin dhe familjen. Politikanët mund t’i ndërrojmë sa herë të doni, por ndërmarrësit janë aseti i shenjtë i Kosoves. Zoti e bekoftë Kosovën.