Kryeministri i Kosovës, Avdullah Hoti, ka deklaruar ditën e sotme se është i pashqetësuar nëse do ta përmbyllë apo jo deri në fund mandatin e tij si Kryemistër, siç ka ndodhur me dy paraardhësit e tij, Albin Kurtin dhe Ramush Haradinaj.
Kjo situatë hipotetike vlen nëse partitë politike nuk bien dakord nuk bien dakord për postin e presidentit deri në muajin shkurt apo edhe më herët në rast të largimit të presidentit Thaçi nga posti.
I pari i qeverisë së Kosovës , ka dekalaruar se për këtë temë është i detyruar të ulet në dialog me opozitën, dhe ka përjashtuar një zgjerim të mundshëm koalicioni me PDK-në e Kadri Veselit.
“Diskutime për zgjerim të koalicionit siç flitet në media nuk ka sepse koalicioni i ka numrat për të qeverisur normalisht. Kur të vijmë te çështja e presidentit do të ulemi edhe me partitë opozitare për të gjetur një zgjidhje për presidentin e vendit. Nëse mund të gjejmë zgjidhje, nëse jo vendi shkon në zgjedhje”, është shprehur Hoti për Rubikon.
Diskutim rreth këtij postimi