THIRRJE PUBLIKE!!!???

Nga Oso Ferizi – i pa anshem ndaj besimeve fetare,veprimtar i qështjes Kombtare.

Thirrje për vetëdije dhe bashkim kombëtar.

Në kohën kur shqiptarët përpiqen të ruajnë identitetin dhe të ndërtojnë një të ardhme me dinjitet në gjirin e kombeve europiane, një sfidë e re, e rrezikshme po zë vend: indoktrinimi fetar me prirje anti-kombëtare.

Një pjesë e imamëve të rinj, të financuar nga qarqe të huaja ideologjike, po përhapin një frymë që e sheh fenë si zëvendësim të kombit – jo si bashkëjetesë me të. Në emër të një versioni të importuar të Islamit, këta aktorë mohojnë flamurin shqiptar, figurat e lavdishme të historisë sonë si Skënderbeu, Gjergj Fishta, Don Nikollë Kaqorri,Nënë Tereza, dhe vetë Pavarësinë e Shqipërisë. Ata e përçmojnë trashëgiminë tonë europiane dhe përpiqen të shkëpusin vetëdijen shqiptare nga rrënjët e saj.

Përballë kësaj rryme të rrezikshme, duhet të kujtojmë se historia jonë ka pasur edhe imamë që dhanë jetën për kombin, si:

• Mulla Idriz Gjilani – dëshmor i kombit dhe fesë, i vrarë nga komunistët për qëndrimin e tij atdhetar.

• Hoxhë Kadri Prishtina – dijetar dhe patriot i devotshëm, pjesëmarrës në përpjekjet për bashkimin kombëtar.

• Hafiz Ali Korça, Shaqir Kurti, Hoxhë Musa Ulqini,Hoxhë Januz Derguti,Hoxhë Hafiz Sheruf Ahmeti, Sheh Hasani i Tetovës,Sylejman Vuçiterna,Sheh Myhedini i Mitrovicës, Sheh Mehmet Efendiu, Sheh Zenel Abedini( Shehzade) etj. – që mbrojtën shkronjën shqipe, Flamurin dhe bashkëjetesën ndërfetare.

– Mulla Zekë Berdynaj, më thënjen e tij hymn “ Ta fali Dinin e jo Drinin”, pra ta falë besimin por jo atëdheun.

– ⁠Roli i klerikëve ortodoksë shqiptarë në vetëdijen kombëtare dhe në shtetndërtimin e Shqipërisë ka qenë thelbësor,

1. Papa Kristo Negovani (1875–1905)

• Klerik ortodoks dhe rilindas i njohur.

2. Fan Noli (1882–1965)

• Themelues i Kishës Ortodokse Autoqefale Shqiptare (1922).

3. Visarion Xhuvani

• Kryepeshkopi i parë i Kishës Autoqefale Shqiptare pas Fan Nolit.

Klerikët ortodoksë nuk mbetën vetëm figura fetare, por u bënë udhëheqës kombëtarë, arsimtarë, shkrimtarë, politikanë dhe diplomatë.ata forcuan identitetin kombëtar shqiptar në mes të komunitetit ortodoks, shpesh të kërcënuar nga asimilimi grek apo sllav.Ata dëshmuan se feja mund të jetë në shërbim të kombit, dhe se ortodoksia shqiptare është pjesë përbërëse e trashëgimisë kombëtare shqiptare, në harmoni me fenë islame dhe katolike.

Por historia njeh edhe shëmbuj të errët si Haxhi Qamili, që në vitin 1914 udhëhoqi një kryengritje antikombëtare duke shpallur: “Duam sulltanin, jo Shqipërinë!” Ai dogji flamuj shqiptarë, vrau patriotë, shkatërroi shkolla shqipe dhe kërkoi rikthimin e sundimit osman.

Në dekadat e fundit, për fat të keq, kemi parë rikthimin e kësaj fryme përçarëse përmes:

• Mulla Shefqet Krasniqi, i njohur për deklarata kundër figurave kombëtare dhe polarizim fetar.

• Imamë të tjerë që shfaqin përçmim ndaj festave kombëtare, ndaj flamurit dhe trashëgimisë sonë kulturore.

Pasojat janë të dukshme:

• Qindra të rinj shqiptarë u rekrutuan në luftën e Sirisë në emër të “xhihadit”.

• Në shumë zona, predikimet po kthehen në platforma ideologjike që mohojnë identitetin shqiptar.

Prandaj, me vetëdije dhe përgjegjësi qytetare, i bëjmë thirrje:

• Shtetit të Kosovës dhe Shqipërisë, të miratojnë ligje dhe masa që ndalojnë fyerjen e simboleve kombëtare në emër të fesë.

• Bashkësive Islame Shqiptare, të distancohen qartë dhe me vendosmëri nga rrymat salafiste/vehabiste që janë kundër frymës së Islamit tradicional shqiptar.

• Partive politike, të mos heshtin përballë këtij fenomeni, por të ndërmarrin nisma për edukim kombëtar.

• OJQ-ve, Akademisë dhe mediave, të trajtojnë me kurajo këtë fenomen si kërcënim i brendshëm për unitetin kombëtar.

• Qytetarëve të zakonshëm, të mbrojnë me zë të lartë identitetin tonë – të ndërtuar me shumë gjak, gjuhë e gjak të përbashkët.

Ne shqiptarët kemi një GEN, GJUHË dhe GJAK të përbashkët. Feja është pjesë e shpirtit tonë, por kurrë nuk mund të zëvendësojë kombin.

Nuk është kjo një betejë kundër fesë – por një mbrojtje e shenjtë e Kombit!

Oso Ferizi, 11.05.2025, Gjermani.