Ismet Azizi
Kjo javë është në shenjë të një fushate, jo vetëm mediatike por edhe në rrjetet sociale e pa parë deri më tani. Kësaj fushate po i prinë një portal tashmë i njohur në opinion e i kontrolluar nga një grup i njerëzve që kanë mbet pa pushtet.
Përndryshe lufta për pushtet në këtë pjesë të Sanxhakut është shumë e ashpër. Nuk zgjidhen mjete për me marr ndonjë copë pushteti, që nga ai lokal e deri në at qendror.
Ndër faktorët që ndikojnë më së shumti është ai i zakonshmi me marr ndonjë copë pushtet në parlament dhe qeverinë qendrore. Gjë që nuk kalojnë keq ato parti që janë afër të afërt me qeverinëë e presidentit Vuçiq.
Këta që kanë mbet jashtë partive politike, të vet eliminuarit si në radhët e Partisë së Aksionit Demokratik (SDA) e liderit Uglanin po ashtu edhe ata të Partisë për Drejtësi dhe Pajtim (SPP) e të ndjerit Zukorliq iu ka humbur rruga në oborr.
Këta tipa të gjorë, kanë mbet jashtë pushteti dhe të vetmën armë të cilën po mundohen ta përdorin është luftimi i projektit famoz të ashtuquajtur “Albanizacija Bosnjaka” (shqiptarizimi i boshnjakëve) të cilin e kanë ç’pikë vet për të treguar se kush është mč boshnjak se tjetri e për të përfituar diçka, e që sipas të gjitha gjasave kanë me i pa sherrin, sepse iu ka has sharra në gozhdë dhe gjithnjë e më shumë po ia shohin sherrin. Mjafton me hy në rrjetet sociale dhe me e përcjell debatin dhe polemikat e vet banorëve të kësaj treve për tu bindur se kjo shpifje nuk po iu kalon.
Asnjëherë më shumë se tash nuk ka pas debat më të nxehtë në rrjetet sociale dhe në media rreth këtij “projekti” për shqiptarizimin e boshnjakëve. Pra, boshnjakëve me prejardhje shqiptare të cilin fakt nuk e mohojnë, as që kanë gjasë ta mohojnë. Kështu që po i ngjan asaj se projekti po del të jetë shqiptarizimi i shqiptarëve të asimiluar në boshnjakë. E nëse me të vërtetë ndodhë kjo, atëherë mund të themi se është një proces, i cili si duket është i pa ndalur sepse ata vet po i kontribuojnë vetëdijesimit të popullatës për rrënjët e veta. Nëse vazhdohet kështu me një fushatë e propagandë të tillë, gjasat janë të mëdha që në regjistrimin e ardhshëm të popullsisë në vjeshtë, vërtetë do të ketë një numër i konsideruar i banorëve qëdo të deklarohen shqiptar.
Si pretekst për të sulmuar shoqatën “Kosova për Sanxhakun” ishte vendosja e një pllake përkujtimore e një familje nga Slupçani i Kumanovës që ka ra viktimë e bombardimeve të forcave alete në mbarim të Luftës së dytë botërore në qytetin e Novi Pazarit aty ku jetoi familja e gjykatësit sheriatik Mumin efendi Halitit.
Vendosjen e kësaj pllake e Refahete Hatitit, e vetmja e shpëtuar nga kjo familje, u bë shkas që ky akt të karakterizohet si veprim i organizuar për jo vetëm për “shqiptarizimin e boshnjakëve” por ka të tillë që e quajnë edhe “shqiptarizim” të varrezave “Gazilar”, ruana Zot.
Për ta ngritur edhe më shumë tension e pakënaqësi, të këtyre individëve, vendosjen e Pllakës përkujtimore e quajtën Pllakë përkujtimore kushtuar 144 dëshmorëve shqiptar të Kosovës që ranë në mbrojtje në Novi Pazarit nga tre sulmet çetnike në vjeshtë e viti 1941.
Fitohet përshtypja se shërbim më të madh edhe pse jo me vetëdije janë duke i bërë pikërisht atij “projekti famoz”, për të cilin është debatuar edhe në parlamentin e Serbisë të cilin e ka inicuar shefi i grupit parlamentar te SPS. Për të cilin edhe unë personalisht, kinse si bartës i këtij projekti u mora në bisedë informative nga policia e Serbisë disa ditë më parë.
Diskutim rreth këtij postimi