Largimi i emrit të Shoqatës Humanitare dhe Kulturore „Sali Çekaj“ në Zvicër nga ftesa për ekspozitën kushtuar profesor Fehmi Aganit, është më shumë se një fyerje – është një akt i qëllimshëm, i ulët dhe përfaqësues i një mentaliteti të mjerë që sundon në institucionet tona kulturore.
A mund të ketë ndonjë emër tjetër për këtë pos vjedhje të hapur morale dhe përvetësim të kontributit të dikujt tjetër? Kur dikush investon për një projekt – financiarisht, logjistikisht dhe emocionalisht – dhe në fund përjashtohet me arrogancë nga vetë prezantimi, kjo nuk është thjesht përjashtim, por hajni me dorë të bardhë dhe qëllime të zeza.
ASHAK, në këtë rast, ka zgjedhur të sillet si një kastë burokratësh të shkëputur nga realiteti dhe vlerat që supozohet t’i mbrojnë, duke përjashtuar kontributdhënësin kryesor për të shpërfaqur një projekt që pa mërgatën, pa SHBK „Sali Çekaj“, as që do të ekzistonte.
Kur shoqatat dhe njerëzit që punojnë në heshtje për të nderuar figurat e mëdha të kombit si Fehmi Agani – i cili vetë ishte simbol i modestisë, bashkimit dhe përfshirjes – trajtohen me përçmim nga ata që hanë nga buxheti i shtetit por nuk e ndiejnë asnjëherë dhimbjen e kontributit real, atëherë na duhet një alarm kombëtar moral.
Kush jeni ju që përjashtoni emrin e një heroi kombëtar, Sali Çekaj, që luftoi për këtë komb me pushkë dhe me mendje, që nuk e ka shkelur kurrë idealin për pavarësi e bashkim? Ju që përkuleni para çdo pseudointelektuali të pajisur me tituj të shpikur, por injoroni gjakun dhe djersën e njerëzve të popullit? Ju që nuk investoni asgjë, por prisni t’ju nderojnë si pronarë të historisë?
Mërgata shqiptare, veçanërisht në Zvicër e Gjermani, ka qenë dhe mbetet shtylla më besnike e lëvizjes kombëtare dhe e mbajtjes gjallë të kulturës shqiptare në diasporë. Injorimi i saj është një krim moral dhe një padrejtësi që nuk do të kalojë pa u mbajtur mend.
Prandaj, është koha që hajdutët me kravata të përballen me zërin e atyre që kontribuojnë realisht, që nuk kërkojnë lavdi, por të vërtetën dhe dinjitetin.
Nëse ju pengon emri i Sali Çekajt, atëherë ju nuk keni problem me një emër – por me vetë historinë e luftës për liri, me vetë popullin shqiptar. Dhe ajo është një betejë që ju nuk mund ta fitoni.
Oso Ferizi- veprimtar dhe kryetar Nderi i Shoqatës kulturore “Sali Çekaj” në Gjermani
A mund të ketë ndonjë emër tjetër për këtë pos vjedhje të hapur morale dhe përvetësim të kontributit të dikujt tjetër? Kur dikush investon për një projekt – financiarisht, logjistikisht dhe emocionalisht – dhe në fund përjashtohet me arrogancë nga vetë prezantimi, kjo nuk është thjesht përjashtim, por hajni me dorë të bardhë dhe qëllime të zeza.
ASHAK, në këtë rast, ka zgjedhur të sillet si një kastë burokratësh të shkëputur nga realiteti dhe vlerat që supozohet t’i mbrojnë, duke përjashtuar kontributdhënësin kryesor për të shpërfaqur një projekt që pa mërgatën, pa SHBK „Sali Çekaj“, as që do të ekzistonte.
Kur shoqatat dhe njerëzit që punojnë në heshtje për të nderuar figurat e mëdha të kombit si Fehmi Agani – i cili vetë ishte simbol i modestisë, bashkimit dhe përfshirjes – trajtohen me përçmim nga ata që hanë nga buxheti i shtetit por nuk e ndiejnë asnjëherë dhimbjen e kontributit real, atëherë na duhet një alarm kombëtar moral.
Kush jeni ju që përjashtoni emrin e një heroi kombëtar, Sali Çekaj, që luftoi për këtë komb me pushkë dhe me mendje, që nuk e ka shkelur kurrë idealin për pavarësi e bashkim? Ju që përkuleni para çdo pseudointelektuali të pajisur me tituj të shpikur, por injoroni gjakun dhe djersën e njerëzve të popullit? Ju që nuk investoni asgjë, por prisni t’ju nderojnë si pronarë të historisë?Mërgata shqiptare, veçanërisht në Zvicër e Gjermani, ka qenë dhe mbetet shtylla më besnike e lëvizjes kombëtare dhe e mbajtjes gjallë të kulturës shqiptare në diasporë. Injorimi i saj është një krim moral dhe një padrejtësi që nuk do të kalojë pa u mbajtur mend.
Prandaj, është koha që hajdutët me kravata të përballen me zërin e atyre që kontribuojnë realisht, që nuk kërkojnë lavdi, por të vërtetën dhe dinjitetin.
Nëse ju pengon emri i Sali Çekajt, atëherë ju nuk keni problem me një emër – por me vetë historinë e luftës për liri, me vetë popullin shqiptar. Dhe ajo është një betejë që ju nuk mund ta fitoni.
Oso Ferizi- veprimtar dhe kryetar Nderi i Shoqatës kulturore “Sali Çekaj” në Gjermani
Diskutim rreth këtij postimi