Në një intervistë për mediumin opozitar serb Nova, thotë se s’pret gjë të re nga Qeveria e Serbisë, sepse i njeh ata, por do të donte të shihte pranim të realiteti nga opozita parlamentare, sidomos në raport me Kosovën.

“Kjo qeveri do të jetë produkt i vullnetit të shkelësit suprem të kushtetutës (Vuçiç-it)”, thotë Atanackoviç.

“Mund të ketë disa lëshime në dukje, por unë nuk pres asgjë nga qeveria, pres nga parlamenti në të cilin ndodhet tani opozita dhe ajo opozitë tani duhet të jetë gati të tregojë se për çfarë është opozita. A është opozita e kësaj qeverie, a është opozita e opozitës tjetër, a është opozitë e arsyes?”.

“Shumë çështje janë ngritur deri më sot, mbi të gjitha çështja e Kosovës, për të cilën deputetët e opozitës do të duhet të deklarohen njëherë e përgjithmonë, ose të konfirmojnë pjesëmarrjen e tyre frikacake të kahershme politike, intelektuale dhe morale, ose të mbajnë qëndrim bazuar në realitetin dhe interesin real të shtetit dhe të pakicës serbe në Kosovë”.

E ky qëndrim, sipas shkrimtarit serb është “vendosja e marrëdhënieve të mira fqinjësore (me Kosovën) dhe përpjekja e përbashkët e dy vendeve për të hapur rrugën e tyre drejt Bashkimit Evropian sa më parë”.

Atanackoviç ka kritika të shumta për qeverinë e Vuçiç-it, të cilën e quan “qeveri hajdutësh”, derisa thotë se e njëjta “mund të ndikohet vetëm nga presionet dhe do të ishte mirë që presionet që vijnë nga BE dhe SHBA të shoqërohen me presione po aq të forta nga publiku vendas”.

Atanackoviç është një nga kritikët e paktë të hapur dhe të zëshëm ndaj pushtetit të Vuçiç-it në Serbi.

/Albanianpost.com