“Misioni, që në nisje na u duk i pamundur, përfundoi me rezultat të plotë: u identifikua vendi i rënjes dhe varri i gjyshit tim – Zymer Bajraktari, i cili tash 80 vjet më parë ra në altarin e lirisë në mbrojtje të trojeve shqiptare në Petnjice të Malit të Zi, duke udhëhequr çetën e vullnetarëve shqiptarë të Kosovës!

Një emocion i papërshkruar për mua, vëllaun tim Mustafen, Bedri Tahirin (doajenin e letrave shqipe, një enciklopedi në vete), që na shoqëroj në këtë rrugëtim, dhe miqtë vendas që nuk na u ndanë asnjë çast!

Kerkimi i gjyshit me aq pak të dhëna që kishim, që më shumë i ngjante një romani të bukur, u bë realitet fal mikëpritjes dhe gatishmërisë së vendasve të kësaj ane, njerëz të dashur, miqësor, pafundsisht mirënjohës ndaj shqiptarëve që ata i quanin shpëtimtarë, mikëpritës e të dashur, që nuk na u ndanë asnjë minutë!

Petnjice u bë për mua nga një vend krejt i panjohur në vendin më të dashur, ku do të kam qejf të shkoj më shumë se në çdo vend tjetër! Aty ndjeva rrënjët e mia në tokë dhe hisen time në ajrin e pastër të saj!

Faleminderit Gjysh!

Faleminderit Njerëz të Petnjices, vëllëzërit e Gjyshit tim!”