Që nga muaj maj i këtij viti filloi edhe transporti tokësor i gazetës dyjavore “Gazeta e Alpeve”- gazetë kjo panshqiptare e ndërballkanike, të udhëtojnë nga Prizreni për në Gjermani me autobusin e kompanisë “Polluzha Tours” në pronësi të vëllezërve Hoti nga Polluzha e Rahocit-Republika e Kosovës.
Deri me datën 24 tetor 2021 ka qarkulluar lirshëm, pra deri në momentin kur shpërthen shovinizmi serb në pikën kufitare të Hogoshtit mes Serbisë dhe Hungarisë.
Polici serb i merr gazetat e paketuara mirë e që mbanin adresën e veprimtarit të devotshëm të çështjes kombëtare Z. Maxhun Smajli, (me adresë për Bibliotekën e tij Publike Popullore “Akademik Mark Krasniqi” në Gjermani), i nxjerr nga autobusi dhe në praninë e udhëtarëve e shoferëve e hapë me thikë duke i dëmtuar ato dhe duke i ofenduar shoferët dhe faturinon, i cili nuk nuk e njeh fare gjuhën serbe. Polici iu kërcënohet duke vënë këmbën mbi gazetë, ku në ballinën e saj ishte fotografia e kolonel Ahmet Krasniqit-“Hero i Kosovës”.
Djaloshi i ri, që është i biri i njërit nga pronarët e autobusit, i mbledh gazetat një për një dhe i futë brenda në autobus edhe përkundër kërcënimit të policit serb.
Ky incident vlen të theksohet pasi që bëhet fjalë për një gazetë periodike, e cila selinë e ka në Tiranë e që i flet qartazi politikës shqiptare për mirësjelljen e shtetit serb ndaj produkteve shqiptare dhe qarkullimin e lirë në “Shengeni Ballkanik” të Edi Ramës. “Open Ballkan” vlen vetëm për serbët, të cilët çdo ditë po e rrisin fashizmin në Ballkan duke u përpjekur seriozisht që ta pushtojnë e mposhtin atë.
Kur shpërthen shovinizmi serb ndaj një gazete shqiptare, secili nga ne duhet të mendojë mirë se si do të shpërthejnë ata një ditë kundër popullit shqiptar.
Pra, verbëria fashiste serbe është në syrin e çdo pushtetari serb, bile edhe në atë të shërbëtorit më të vogël, siç është polici ose doganieri.
Ne, si redaksi e “Gazetës së Alpeve” ndjejmë keqardhje për kërcënimin që policia serbe u bëri
transportuesve të kësaj gazete dhe solidarizohet me ta e krenohemi me qëndresën e tyre.
Po ashtu vlen të ceket se gjithnjë gazeta është transportuar falas nga Prizeni për në Gjermani, që nga fillimi i udhëtimit të saj në duart e mërgimtarëve tanë atje, si gazetë e vetme shqipe nga Atdheu në Mërgatë.
Ali DACI
Kryeredaktor i “Gazeta e Alpeve” për Malin e Zi e Sanxhak
Discussion about this post