Një dëshmitar okular, i cili arriti të fotografonte incidentin, deklaroi se Muriq u largua me shpejtësi nga vendi i ngjarjes pas përfundimit të vizatimit. Kalimtarët konfirmuan identitetin e tij dhe rasti u raportua menjëherë tek autoritetet. Në vendngjarje kanë mbërritur shumë shpejt pjesëtarët e milicisë komunale, e më pas policia, për të hetuar.
Sipas kalimtarëve, Muriq është me kombësi boshnjake dhe njihet si një person i paqëndrueshëm mendërisht, i cili shpesh lyp në rrugët e Novi Pazarit. Gjithashtu, dyshohet se ky akt vandalizmi ishte i porositur, pasi dëshmitarët e panë atë duke dalë nga nj[ ndërtesë banimi të quajtur “Lučna zgrada” menjëherë para ngjarjes, gjë që forcon edhe më shumë dyshimet për motivimin dhe përfshirjen e mundshme të personave të tretë.
Kjo nuk është hera e parë që pllaka përkujtimore kushtuar Aqif Blytës është shënjestër e vandalizmit. Në vitet e mëparshme, ka pasur disa përpjekje për të dëmtuar ose shkatërruar këtë pikë referimi të rëndësishme historike, e cila shkakton shqetësim për ruajtjen e trashëgimisë kulturore dhe historike të boshnjakëve në Novi Pazar.
Discussion about this post