Sinani: Ftohen të gjithë nxënësit dhe familjet në nevojë në Luginën e Preshevës

Pas Thirrjes për bursa studentore, tani ka ardhur koha për “Thirrjen për Ndihmë të Njëhershme Financiare” për nxënësit pa asnjë prind ose ata që kanë vetëm një prind (prindi/ërit i/e të cilëve kanë vdekur), si dhe për familjet me 3 ose më shumë fëmijë në procesin edukativo-arsimor.

 Qeveria e Republikës së Kosovës, përmes Këshillit Kombëtar Shqiptar, është në një mision për të ndihmuar nxënësit që përballen me sfida të mëdha financiare. Këtë herë, drejtohemi drejtpërdrejtë te të gjithë nxënësit e Preshevës, Bujanocit dhe Medvegjës pa prindër, si dhe te ata që kanë vetëm një prind. Po ashtu, ofrojmë ndihmë financiare të menjëhershme për familjet me 3 ose më shumë fëmijë në procesin edukativo-arsimor, për të siguruar që të gjithë kenë mundësi të barabarta

 Afati i aplikimit është i afërt: nga data 1 deri më 22 prill 2024, deri në orën 15:00!

Përkushtimi ynë dhe i Qeverisë së Republikës së Kosovës është në rritje të vazhdueshme. Fillon nga sektorët e **Arsimit**, **Kulturës** dhe **Informimit**, dhe shtrihet deri te **Mbrojtja dhe Promovimi i Identitetit Kombëtar**. Po ashtu, punojmë për të siguruar kuota për specializimin e mjekëve nga Lugina, për të avokuar në BE, dhe për të zhvilluar programe ndihmëse për bujqit, duke nxitur zhvillimin e bujqësisë në Luginën e Preshevës”.