Libri i Faton Bislimit mbi historinë unike të shpëtimit të hebrejëve nga shqiptarët gjatë Holokaustit, nuk është lejuar sot të kalojë nëpër territorin serb transit përmes transportuesit të rregullt.
Më tej po japim shkrimin e plotë të Faton Bislimit në faqen e tij në facebok:
“E vërteta për shqiptarët, edhe kur nuk ka lidhje me Serbinë, i pengon Serbisë. Ajo duhet të dekriminalizohet dhe të lirohet nga e kaluara e mendimit hegjemonik antishqiptar.
Libri im mbi historinë unike të shpëtimit të hebrejëve nga shqiptarët gjatë Holokaustit, si shembulli më i veçant në botë për tolerancën tonë ndërfetare, sakrificën tonë kombëtare, dhe razinë tonë familjare për ta mbrojtë mikun që ka kërkuar strehim në vatrën tonë, nuk është lejuar sot të kalojë nëpër territorin serb transit përmes transportuesit të rregulltë rrugor me destinacion Zvicrën (me gjithë dokumentacionin e rregulltë nga botuesi në Amerikë).
Libri është botuar në SHBA në anglishte në versionin origjinal në Janar 2020, dhe është promovuar në Përvjetorin Ndërkombëtar të Holokaustit në selinë e OKB-së në New York dhe një kopje ia pata dhuruar personalisht Sekretarit të Përgjithshëm të OKB-së z. Guterres.
Ky akt i serbëve është tepër qyqar! Atyre që libri u pengon ende, u është rezervuar vendi në faqet më të zeza të librave të historisë!”
Diskutim rreth këtij postimi