Përmes një postimi publik, Çeku ka theksuar rëndësinë e ruajtjes së trashëgimisë kulturore, duke e cilësuar restaurimin si një hap të domosdoshëm për mbrojtjen e identitetit kulturor të vendit.
“Edhe një aset i restauruar. Kanë përfunduar punimet në shtëpinë tradicionale të familjes Rrustemi në Kokaj, Gjilan. Punët e suksesshme në trashëgimi janë jetike për ruajtjen dhe promovimin e identitetit tonë kulturor ”, ka shkruar Çeku.
Sipas Ministrisë së Kulturës, restaurimi i objekteve me vlerë historike dhe arkitektonike synon jo vetëm ruajtjen e tyre, por edhe integrimin në jetën kulturore dhe turistike, duke i kthyer këto hapësira në pika referimi për historinë dhe traditën shqiptare.
Projekte të tilla, sipas zyrtarëve, janë pjesë e strategjisë për mbrojtjen afatgjatë të trashëgimisë kulturore, veçanërisht në zonat rurale, ku objekte të tilla përfaqësojnë dëshmi të rëndësishme të mënyrës tradicionale të jetesës./KultPlus.com
Discussion about this post