Albina Kelmendi këlngëtarja e njohur shqiptare këndoi në një gazmend famioljar në Pazar të Ri (N Pazar). Në profuilin e saj në facebok shkroi
Pranimi i ftesës për të kënduar në evenimentin dhe gëzimin familjar të familjes Hasanoviq nga Novi Pazari ne Sanxhak, shkaktoi një kurreshtje të madhe në brendësinë time, pasi isha e vetëdijshme se do të këndoja në një komunitet ku gjuha zyrtare ishte gjuha boshnjake!
Nuk e kam pritur dhe besuar që kjo mbrëmje muzikore, para kësaj audience, do të linte gjurmë të thella tek unë dhe do të mbetej gjatë në kujtimet e mia.
Në atmosferën dasmore të synetisë së djalit të Kemajl Hasanoviq, Mustafës, sapo fillova të këndoja këngët nga repertori ynë shqiptar, pashë dhe ndjeva se në venat e tyre ende rrjedh gjaku Ilir, Dardan, Shqiptar.
Pavarësisht se tani flisnin një gjuhë tjetër dhe kishin një tjetër identitet kombëtar, ata kënduan bashkë me ne këngë si “Qohu Rexho”, “Oj Zogo”, “Gjamadani vija vija”, dhe shumë këngë të tjera që janë hite në çdo eveniment shqiptar. Ftesa e familjes Hasanoviq na dha mundësinë që në këtë gazmend familjar të takonim dhe të pranonim ngrohtësinë dhe respektin vllazëror nga znj. Amina Nuraj, Kryetare e Këshillit Kombëtar Shqiptar për Sanxhakun.
Prezenca e saj na dha forcën dhe ndjenjën e vërtetë se aty gjithçka ishte një, shqiptare.
Zëri shqiptar i Aminës në Sanxhak, dhe ndjenja për këngët shqipe, pavarësisht gjuhës që flisnin, më lanë një përshtypje të fortë dhe më bënë të ndjehem krenare.
Shqiponja fluturon me krahë të mëdhenj, dhe kjo mbrëmje ishte një dëshmi e tillë.
Do të jem mirënjohëse për gjithë jetën për emocionet që më dhuruan familja Hasanoviq dhe të gjithë dasmorët që ishin të pranishëm në këtë eveniment.
Diskutim rreth këtij postimi