Vendimi për të ndryshuar emrin e kësaj rruge do të merret nga anëtarët e parlamentit lokal sepse Komisioni për Monumente Kulturore dhe Historike dhe emërtimi i rrugëve dhe shesheve miratoi kërkesën e familjes Vuçel dhe të Ushtrisë Serbe që rruga e quajtur Rr. “Murska” (Murit), në të cilën jetonte, të emërtohet me emrin e Naser Vuçelit, shkruan radio Sto plus.
Ministria e Administratës Shtetërore dhe Vetëqeverisjes Lokale dha gjithashtu dritën jeshile për të ndryshuar emrin e rrugës, pavarësisht mendimit negativ të Këshillit Kombëtar Boshnjak (BNV) dhe Këshillit për Marrëdhëniet Ndëretnike, për të cilat thuhet se “nuk ishin ligjërisht të detyrueshme”.
Këshulli Kombëtar Boshnjak në aresyetimin e dhanun në lidhje me ndryshimin emrit të kësaj rruge deklaroi se, duke pasur parasysh që Qeveria e Serbisë ka filluar azhurnimin e regjistrit të adresave, Qyteti i Novi Pazarit duhet të bëjë një propozim për një vendim për emërtimin e të gjitha rrugëve në qytet i cili do të zgjidhte të gjitha rastet individuale.
Naser Vuçel u vra më 19 prill 1999 në zonën e “Maja Gllavës”, gjatë betejës për kullën e Rojës Koshare. Ai ishte anëtar i Brigadës 125 të Motorizuar dhe ishte 21 vjeçar.
Beteja e Koshares filloi më 9 prill 1999 dhe zgjati për 67 ditë.
Kulla e Rojës Koshare ishte vendosur midis Pejës dhe Gjakovës, në malin Junikut (pjesë e Bjeshkëve të Nemuna), vetëm 200 m nga kufiri shtetëror me Republikën e Shqipërisë.
108 ushtarë të RF të Jugosllavisë u vranë në betejën e Kosharës. Mosha mesatare e luftëtarëve të rënë ishte 25 vjeç. Barrën më të madhe të luftës e mbanin të rinjtë që ishin në shërbim të rregullt ushtarak në atë kohë shkruan Sto plus.
Për derisa ushtarët e rinj, u lanë për ta mbrojtur kufirin në kullën e vrojtimit Koshara dhe në Pashtrik humbën jetën asaj pranverëe të vitit 1999, krimet ndodhën në Kosovë nën komandën e oficerëve të tyre të lartë të cilët më vonë do të dënoheshin para Gjykatës Ndërkombëtare të Drejtësisë në Hagë për dëbimin e qindra mijëra shqiptarëve civilë dhe bartën dhe fshehën trupave të tyre në varre masive në Serbi, për të fshehur krimet.
Diskutim rreth këtij postimi