E premte, 22 Shtator, 2023

Kurti i përgjigjet Borrellit: Operacionet policore s’janë punë e asnjë zyrtari evropian e as punë e imja

Kryeministri Albin Kurti i është përgjigjur letrës së përfaqësuesit të Lartë të BE-së, Josep Borrell, i cili i kërkoi që për veprimet tash e tutje në veri të koordinohet me KFOR-in e EULEX-in.

30
SHARES
370
VIEWS
Kurti ka thënë se operacionet policore nuk janë punë as e tij e as e zyrtarëve evropianë. Ai ka arsyetuar se ka operacione kur nuk është i informuar as ai.

“Jemi republikë demokratike. As unë nuk e di kur arrestohet një kriminel, sepse kjo është çështje e policisë hetuese, njësisë që bën arrestimet, prokurorisë. Ka arrestime që unë i shoh saktësisht në të njëjtën kohë si ju, sepse jemi republikë demokratike. I tillë ka qenë arrestimi i Llunës. Mirëpo, veprimet operacionale, kur duhet të arrestohet dikush nuk janë punë e imja, besoj e asnjë zyrtari evropian. Sundimi ligjit në Kosovë është çështje e PK-së. PK-ja ka kryer panumër trajnime në vendet perëndimore, dhe atje kanë mësuar si nuk duhet lejuar të politizohen operacionet policore. Prandaj, nuk mund të bëj çfarëdo pazaresh në kurriz të kushtetutshmërisë dhe ligjshmërisë”, ka thënë Kurti.

Lexo po ashtu:  Rama, kryeministri shqiptar pa qëndrim për asocacionin e komunave serbe

Kurti e ka quajtur të pakuptueshme që të paralajmërohen mekanizmat ndërkombëtarë para vendosjes së rendit dhe ligjit në Kosovë.

“Nuk ka kuptim që për zbatim të sundimit të ligjit të ketë koordinim, paralajmërim, para se të ndodhë ligji. Sepse kjo i bie sundim me ligjin, ne jemi për sundim të ligjit”.

Ai u shpreh i gatshëm për takim me palën serbe dhe ndërmjetësit evropianë, por deklaroi se nuk lëshon pe kur bëhet fjalë për zbatimin e ligjit brenda Kosovës.

“Kam shprehur gatishmërinë për dialog. Kur ta caktojnë takimin, jam i gatshëm. Nuk mund të shndërrohem në shkelës i ligjit në Kosovë. Në dialog i gatshëm, i përkushtuar, por në Kosovë ligj dhe Kushtetutë”.

Lidhur me deklaratën e Borrellit se një takim i ri në kuadër të dialogut Kosovë-Serbi nuk mund të organizohet para se Kosova të ndërmarrë hapa për të shtensionuar situatën, Kurti përsëriti se prania e Policisë së Kosovës në veri do të reduktohet vetëm kur të largohet grupet kriminale nga atje.

Lexo po ashtu:  ”Porche” gjobitet 535 milionë euro për skandalin e ndotjes

Ai ka theksuar se sikur Jabllanoviq të mos kërcënohej për t’u tërhequr nga gara, sot do të ishte kryetar të cilin do ta mbronte njëjtë, me Polici.

“Problem është që Jabllanoviqi doli nga fushata. Të gjithë ndërkombëtarëve unë iu sugjeroj që të merren sesi doli Jabllanoviqi nga fushata. Ai ka qenë fitues i sigurt, ne kemi qenë të gatshëm ta pranojmë si kryetar komune. Po të ishte Aleksandër Jabllanoviqi kryetar komune, unë njësoj me polici do ta mbroja Aleksandër Jabllanoviqin nga sulmet e kësaj milicie fashiste atje, të këtyre ekstremistëve të dhunshëm, me të cilët kurrë nuk dua t’i barazojë qytetarët serbë. Ata janë në hall edhe më shumë se ne në hall me ta, sepse i kanë më afër”, ka thënë ai.

Diskutim rreth këtij postimi

Welcome Back!

Login to your account below

Create New Account!

Fill the forms below to register

Retrieve your password

Please enter your username or email address to reset your password.