Kjo shumë është përkushtuar për qëllimin fisnik të ngritjes së shtatores së heroit tonë të pavdekshëm, Bylbyl Breçani, i cili, me flijimin e gjakut të tij të pastër dhe të shenjtë, mbylli plagët e atdheut dhe i dha jetë ëndrrës së lirisë- shkruan Sh.S. Znj. SHUKRIJE RAMADANI – Zv/Ambasadore e Republikës së Kosovës në Konfederatën Zvicerane (Bernë), bashkëshorte e bashkëpunëtore dinjitare e heroit AGIM RAMADANI.
– Në emër të familjes Ramadani, shpreh mirënjohjen e pakufishme për të gjithë ata që ndërmorën këtë iniciativë madhështore. Uroj që kjo shtatore të jetë një simbol i pavdekshëm i krenarisë kombëtare, dashurisë për atdheun dhe sakrificës sublime të bijve më të mirë që kjo tokë ka lindur – shkruan Sh.S.Znj. SHUKRIJE RAMADANI.
Në përmbyllje, thuhet: “Lavdi e përjetshme Bylbylit tonë, i cili mbeti roje e amshuar e atdheut të ëndërruar!Me nderime dhe mirënjohje, Famija Ramadani”.
Ky është Donacioni më i madh i derisotëm për realizimin, ngritjen dhe përurimin e Shtatores së Heroit Bylbyl Breçani, një ndër luftëtarët e frontit të parë në Brigadën e AGIM RAMADANIT, të cilin e cilësojnë edhe “Bylbyli i Flamurit”, “Shqipe e Koshares” etj.
Njiherit, edhe nipi i Heroit të Kombit, AGIM RAMADANI, në ditën e sotme, me 23 dhjetor 2024, do të fillojnë procedurat komunikuese dhe financiare për një Donacion të veçantë katërshifrorë (në Euro) për realizimin, ngritjen dhe përurimin e Shtatores së Heroit BYLBYL BREÇANI në Tropojë, në rrugën qytetëse që mban emrin e tij.
FAMILJA e AGIM RAMADANIT, ish ushtarak i lartë në Kosovë e në Kroaci, Antar i Akademisë Europiane të Arteve, poet, piktor, në një bisedë telefonike premton se “në rast se mbledhja e Fondit për Shtatoren do të ketë vështirësi, atëherit do ju themi miqëve të Agimit për të dhënë ndihmën e tyre finale”.
Ky akt i lartë i FAMILJES së AGIM RAMADANIT tregon për vlerat e saj të larta shqiptare, dëshmon se i Nderuari të Nderon, ndaj qofshin të nderuar përgjithmonë!
FAMILJA e AGIM RAMADANIT na drejtohet me kërkesën që donacionet e tyre të mos bëhen publike, pasi është obligim për çdo luftëtar të Lirisë e Pavarësisë së Kosobës, se është detyrë ndaj Kosovës dhe Kombit!
Përkundër kësaj, ju bëjmë me dije se “Gazeta e Alpeve” do iu kushtojnë dy faqe të plota gazete.
Sikurse edhe Këshilli Kombëtar Organizues për realizimin, ngritjen dhe përurimin e Shtatores së heroit Bylbyl BREÇANI…, do ta vlerësojnë lart me plot mirënjohje këto akte të larta atdhetarie të FAMILJES AGIM RAMADANI…
Gazeta e Alpeve
Discussion about this post