Dokumneti nr 25
Ushtruesi i detyrës së Krahinarit, S. Kastratoviq – Rozhajë
Kryekomandantit të Divizionit Lindor të Ushtrisë Malazeze
Zoti Brigadierit serdarit Janko Vukotiq – Pejë
Ç’prej se ushtria jonë trime e pushtoi Rozhajën, u morën masat e nevojshme për mbajtjen e rendit dhe mbledhjen e armëve në qytezë dhe rrethinë.
Puna shkon bukur mirë, vetëm se batalioni i Gornje Sellës i komandantit Tomash Peshiq, i cili ngeli këtu për të siguruar rendin bën çrregullimin më të madh: thyen shtëpitë, plaçkitë, sulmon familjet dhe bën gjithë çfarë shkon në dëm të rendit dhe sistemit. Oficerët e batalionit u hapin vetë rrugën ushtarëve, kështu që ushtarët u bënë Zot të oficerëve. Një çetë e armatosur arnautësh nga Qarku i Novi Pazarit u shfaq dje në anën e Rozhajës. Kundër saj u dërguan 2 çeta të ushtrisë sonë dhe 50 vendës të armatosur. Rezultati nuk dihet ende.
Puna e gjërave ushqimore shkon shumë vështirë, sepse këtu nuk u gjetën kurrfarë rezervash, kështu që nëpunësit tanë ndiejnë mungesë për çdo gjë.
Prandaj Ju lus, Zoti Serdar, me shumë përkulje të urdhëroni të jepni udhëzimet e nevojshme.
Rozhajë,
S.Kastratoviq , J. Vukotiq -Pejë, Plaqkitja nga ana e ushtrisë malazeze
Zekiria Cana: Gjenocidi i Malit të Zi mbi popullin shqiptar 1912-1913 (dokumente)
Discussion about this post