Popull mos harro, ua kanë shpërla trurin më lëmoshë, veteranë klientelë!

Ja letra e Adem Grabovcit drejtuar Ramushit!

Adem Grabovcin nuk e shajti (bile i shkoi në dasëm), kur ja tha do llafe edhe ma të vështira. Nashta ishalla jo veç për si o hi në koalicion me “shefat”.

Nëse ke harru Ramush, ja letrën e Ademit.

Nga akuzat “për haraç me lojëra fati” tek mbledhës i votave.

Figura më e përmendur për afera inkriminuese në politikën kosovare, Adem Grabovci, ka pësuar evolucion të madh, sa i përket raportit me liderin e AAK-së Ramush Haradinaj.

Në verën e vitit 2009 Adem Grabovci e konsideronte Ramush Haradinajn figurën më të korruptuar në Kosovë. E në verën e vitit 2017, ai është një nga lobuesit kryesor në PDK, për ta bërë Ramush Haradinajn kryeministër të vendit! Insajderi ka raportuar se si Adem Grabovci ka takuar personalisht dy deputetët e koalicionit LAA, Teuta Rugova dhe Labinot Tahiri, votat e të cilëve mund ta bëjnë Kadri Veselin ose dikë tjetër nga PDK kryetar të Kuvendit dhe Ramush Haradinajn, kryeministër të Kosovës.

Fillimisht është takuar me Ukë Rugovën dhe dy sekserët e PAN-it, Dardan Gashin dhe Astrit Haraqija. Arsyeja e takimit: vota pro Haradinajt e Teuta Rugovës.

Pasi kreu lobimin për Teuta Rugovën, Adem Grabovci u hodh në gjuetinë tjetër: këngëtarin e muzikës turbo-folk këngëtarin, të bërë deputet.

Labinot Tahirin e nxori nga dasma dhe i kërkoi ta votonte Ramush Haradinajn për kryeministër.

Kjo “betejë” e Grabovcit për Ramush Haradinajn bëhet e pakuptimtë, kur lexohet letra e Grabovcit drejtuar Haradinajt, në vitin 2009.

Ai në atë letër, të lexuar në Kuvendin e Kosovës, kishte akuzuar Haradinajn se ka vila e banesa luksoze në Prishtinë, Tiranë, Prizren, Durrës e Brezovicë. Madje e akuzonte Monte Carlo dhe Dubai.

“Ramush, ti personalisht kontrollon lojërat e fatit dhe bizneset e Casino-s”, – akuzonte Grabovci në foltoren e Kuvendit.

Por krejt këto, tashmë, kanë rënë në ujë. Para se të dilte në gjueti për “numrat e Ramushit”, Grabovci e kishte thirrur Haradinajn edhe në dasmën e djalit të tij që ishte mbajtur muajin e kaluar.

“Ndërtimi i shtetit, demokracia dhe interesi publik janë sinonime sublime të çdo qytetari të Republikës së Kosovës. Jemi në fazën e njohjeve të fuqishme ndërkombëtare si shtet i pavarur, anëtarësimit në Bankën Botërore, në Fondin Monetar Ndërkombëtar dhe së shpejti në Bankën Evropiane për Rindërtim dhe Zhvillim, në fazën e rritjes ekonomike dhe përmirësimit të jetës së qytetarëve. Me sa duket disa si ti nuk i gëzohen këtij suksesi. Sot kur e gjithë bota po na shikon, me të detyruar, po të drejtohem me këtë letër publike.

Ditëve të fundit, Ramush Haradinaj, zgjodhe rrugën e sulmit, shantazhit ndaj personalitetit tim, duke tentuar të më njëllosësh, të më kërcënosh, të më shantazhosh dhe të më linçosh. Sulmet pa fakte aq më tepër kur vijnë nga njerëzit si ti, që janë sinonim i anës së errët politike, frikës, kërcënimit, zhvatjes dhe reketimit të qytetarëve dhe bizneseve, kanë një qëllim: fshehjen e së vërtetës dhe nxitjen e dhunës dhe urrejtjes. Për 3 dekada jam munduar dhe kam punuar me tërë qenien time. Jam i sinqertë dhe i përkushtuar, të punoj për të mirën e vendit dhe popullit tim.

Për 10 vjet kam qenë i detyruar të migroj në Zvicër. Gjatë kësaj kohe kam punuar dhe vazhdoj të punoj çdo ditë. Pasuria ime është 1 banesë në Prishtinë 76 m2 dhe pasuria e vjetër e trashëguar nga babai im, ku jetojnë fëmijët e vëllait tim të rënë në luftë në maj të vitit 1999. Ndërsa, Ramushi tenton të më njëllosë edhe në këtë fushë, unë, Adem Grabovci, për hirë të së vërtetës dhe interesit publik, i bëj thirrje Ramushit të bëhet burrë dhe të ballafaqohet në debat publik drejtpërsëdrejti, për të qartësuar të gjitha çështjet e ngritura dhe ato që do t’i ngris:

Kush e ka dëmtuar imazhin e UÇK-së pas luftës, duke bërë kërkesa, kërcënime dhe nxjerrë fitime, për interesa personale?

2. Ramush, prej nga e arrite pasurinë marramendëse personale?

– shtëpinë disamilionëshe në Prishtinë,

– banesën dykatëshe në Prishtinë,

– banesën në Prizren,

– banesën në Tiranë,

– banesën në Durrës,

– villat në Durrës, në Brezovicë,

– pronat disamilionëshe në Dukagjin,

– tokat në Miradi,

– kullat disamilionëshe në Glloxhan,

– dy villa jashtë shtetit, në Monte Karlo dhe në Dubai.

Duhet t’i dëshmosh pronësitë e tyre në detale.

3. Ramush, ke uzurpuar dhe ke përvetësuar në emër të luftës:

– shtëpinë në Pejë

– banesën në Prizren

– truallin e çerdhes së fëmijëve në Dragodan

– pompat e benzinës dhe shumë të tjera.

4. Ramush, ti personalisht kontrollon lojërat e fatit dhe bizneset e Casino-s!

5. Reketi dhe zhvatja e bizneseve, lidhet me emrin tuaj. Keni përmendur ndihmën e bizneseve vendore. Dokumento qoftë edhe një donacion të evidencuar në këto firma, pranë Administratës Tatimore të Kosovës, për 10 vitet e pasluftës në Kosovë (hiq fondin tuaj për Hagë).

6. Me fondin tuaj për mbrojtje keni blerë toka e troje për qëllime personale. A është e drejtë kjo?

7. Jeni involvuar në kontrabandim mallrash që vijnë nga Serbia në veri të Kosovës dhe në shumë shtete të tjera.

Ka edhe shumë çështje të tjera që dëshiroj t’i diskutojmë, në debat drejpërsëdrejti me ju dhe që janë me interes publik. Keni ngritur akuza ndaj meje. Unë ju ftoj në debat qytetar. Nëse ju nuk përgjigjeni unë i rikonsideroj akuzat tuaja qyqarllëk, kurse opinioni publik le të gjykojë vetë për fenomenin Ramush. Personalisht do të pres deri në fund të javës, pastaj çdo akuzë apo shpifje tuajen, për hirë të interesit qytetar, nuk do të merrem me to. Pas kësaj kohe do t’i drejtohem organeve të drejtësisë.