Në një nga seancat, ministrja Haxhiu tha se Kosova kishte opozitën më të fortë kur këtë rol e ushtronte Vetëvendosja, dhe se tani ka qeverisjen më të mirë, meqë kjo parti është në pushtet. Konjufca ironizoi me të: “Albulenë e monopolizove krejt. Edhe në opozitë më të mirët, edhe në Qeveri më të mirët. Kadalë se mundet mësyshi tani”.
Shpeshherë, me batuta i bëri bashkë në të qeshura rivalët politikë. Në një nga shumë seancat kur deputetët ndodheshin në ndërtesën e Kuvendit, por jo në sallë plenare, tha: “Mos me ta marrë mendja që bufeja i nxë gjithë ata”.
U tregua edhe qortues. Në një moment, kësisoj i kritikoi për zhurmën: “Këtu janë dy procedura, ose me i mbyllë veshët edhe me i çitë çështjet në votim, ose me pasë mirëkuptimin e kur të pyesin diçka deputetët, me i dëgju”. Ndonjëherë edhe i kërcënoi: “Nëse vetëm edhe një herë e kam një informatë që po pihet duhani në bufe, me detyroni me e thirrë inspektoratin”.
/koha ditore/
Discussion about this post