Maxhun Smajli i përket gjeneratës së parë të fakultetit së gazetarisë në Kosovë dhe aktualisht, prej dhjetorit të vitit 2020 është Editor i revistës “Marshi i Mërgimtarit” në Gjermani, e vetmja revistë në gjuhën shqipe në Europë, prej majit 2021 dhe Kryeredaktor i “Gazeta e Alpeve” për Gjermani-gazetë Rajonale-PanShqiptare-NdërBallkanike (Shqipëri-Kosovë-Mali i Zi-Lugina e Preshevës, Sanxhak e Nish-Maqedoni e Veriut). Mësuesi e kulturologu i njohur Maxhun Smajli e ka hap më 1992 në Klinë të paren Bibliotekë Popullore dhe Shkollore në Kosovë, ndërsa më 2015 të paren bibliotekë në Mërgatën Shqiptare në Botë dhe kohët e fundit po e ndërton objektin e Bibliotekës “Akademik Mark Krasniqi” në pronën e tij në Gjermani. Atdhetari Maxhun Smajli, prej 7 majit 1998, gjatë 13 muajve të Luftës në Kosovë, ka qenë Reporter Lufte, ka raportuar për 147 fshatra të 11 komunave të Kosovës, si gazetar i rregullt për Radio-Televizionin e Prishtinës dhe të përditshmen “Koha ditore” e për Radio “Koha”, ka bashkëpunuar me “Deutsche Welle”, “Kosova-Press” e “Kosova e Lirë”. Nga Lufta ka dalur me 1.600 fotografi, 13 VHS kaseta, 240 minutëshe, 32 minikaseta incizime tonike dhe 6 fletore me shenime. Është gazetari më i keqtrajtuar fizikisht në Kosovë; 18 herë i keqtrajtuar, dy herë i hedhur për vdekje. Me 26 korrik të vitit 1999 ka emigruar në Gjermani. Është autor i tri librave dhe i një filmi dokumentar gjer më tani. Njiherit është edhe Zëdhënës i SHKSH “Sali Çekaj” në Gjermani dhe i Nëndegës së LDK-së në Bavarinë e Epërme, Anëtarë Nderi i Lidhjes së Shkrimtarve dhe Artistëve në Gjermani, si dhe i tetë Shoqatave Kulturore e Humanitare në Aachen, Stolberg, Julich, Mannheim, Eggenfelden, Munih, Offenbach etj. Maxhun Smajli është autor i disa librave të boatuar, ku më i fundit ishte vepra përmbledhëse “Intuita e Idriz Zeqirajt” (botim special, 340 faqe), në janar 2022. “Gazeta e Alpeve”- pas një ankete me disa nga antarët e Bordit Botues, Redaksisë e Rrjetit të Kordinatorëve e bashkëpunëtorëve të saj, shpall: MAXHUN SMAJLI – “GAZETARI I VITIT 2021” “Për kontributet shkrimore e promovuese” Gazetari Maxhun Smajli është shpallur “Gazetar i Vitit 2021”. Revista kulturore “Marshi i mergimtarit” është revistë mjaftë çërmbajtësore, ndërsa pagëzimin e kësaj reviste autori Smajli e ka emblemë të marsit të tij në 100 vjetorin e Pavarësisë së Shqipërisë dhe që shënon narshimin e Tij nga Gjermania në Kosovë duke shënuar datën e nisjes së bombardimeve të caqeve serbe në Kosovë dhe për aq sa zgjatën bombardimet aq ditë Maxhun Smajli marshoj këmbë nga Gjermania për të arritur në Kosovë më datën 10 qershor, në ditën e kapitulimit të forcave ushtarake e policisë serbe. Ky marshim i gazetarit të luftës ka peshën e vet të madhe për gjithë kombin shqiptar e jo vetëm për të. Maxhun Smajli mbetet ikona e atdhetarit dhe gazetarit të devotshëm e reporterin të guximshëm të luftës për çlirimin e Kosovës. Në Kosovë e shqiptari ka vetëm një Maxhun Smajl të veprave të mëdha të luftës dhe paqes.
/Ismet Azizi/
Discussion about this post