Ata në reagimin e tyre theksojnë se është shqetësues fakti që kjo ngjarje ka ndodhur në festën e madhe kombëtare të boshnjakëve, Ditën e Sanxhakut.
“Udhëheqja e sotme serbe zyrtarisht mohon dhe lavdëron gjenocidin dhe krimet e tjera kundër popullatës joserbe, dhe kjo ngjarje konfirmon shqetësimin e boshnjakëve për sulmin e nacionalizmit, shovinizmit dhe fashizmit në rritje në Serbi, i cili inkurajon ngjarje të tilla”, tha KBB (BNV).
Këshilli është i mendimit se një politikë e tillë përbën një kërcënim objektiv për paqen dhe stabilitetin në rajon.
Sipas dëshmitarëve okularë, një punonjës i një ndërmarrje komunale në Novi Pazar, P.M. mbrëmë, me një kosh plehrash ka tentuar të dëmtojë ose heqë një pllakë përkujtimore kushtuar Aqif Haxhiahmetoviq -Blytës në Zonën e Pedonales në rrugën më 28 nëntor në Novi Pazar.
Ai u pengua në atë tentativë nga një grup djemsh ndërsa policia sipas informacioneve jozyrtare, nuk ka nisur asnjë procedim ndaj tij.
KKB kujton se Aqif Blyta, i njohur gjerësisht si Aqif-efendia, është një nga politikanët më të famshëm të Sanxhakut në mes të dy luftërave botërore. Ai lindi në Novi Pazar në vitin 1887. Ai është themelues dhe kryetar i Xhemijetit. Ishte deputet në Kuvendin e e Mretërisë SKS dhe deputet në Kuvendin e Mbretërisë së Jugosllavisë, kryetar i qarkut dhe organizator i mbrojtjes së Novi Pazarit nga sulmet çetnike gjatë Luftës së Dytë Botërore.
Aqif ef. mbahet mend veçanërisht si mbrojtës i popullatës serbe në Novi Pazar dhe Sanxhak gjatë Luftës së Dytë Botërore.
U pushkatua me vendim të gjykatës komuniste në vitin 1945 me kryetarin e Novi Pazarit, Ahmed ef. Daci dhe të tjerë më të shquar.
Pllaka përkujtimore u ngrit në vitin 2012 në vendin e shtëpisë së tij si pjesë e një programi përkujtimor për ngritjen e 20 pllakave në 11 komunat e Sanxhakut nga Plava dhe Gucia deri në Novi Pazar.
Këshilli Kombëtar i Boshnjakëve e shpalli vitin 2012 “Vit të Trashëgimisë Kulturore Boshnjake” në Serbi dhe me atë rast vendosi tabela në shtëpitë dhe ndërtesat në të cilat jetonin dhe punonin personalitete të njohura nga historia .
Discussion about this post