Edhe pse gjyshi yt Zogu u lidh me Serbët dhe bjellogardistët Rusë dhe e luftoi qeverinë e peshkop Nolit, bashkëthemeluesit të Vatrës, prapëseprapë gjysh Zogu e ndihmoi me ca fatura peshkop Nolin kur kish nevojë; ndaj të kemi dhe ty nip Zogu këtu se të duhet dhe kjo fotografi në shtëpinë tënde si kujtim.
Sot si Vatra nuk kemi shumë peshë në Amerikë, se ne nuk bëjmë Kuvende në periudhën katër vjecare, ngaqë e kemi zaptuar Vatrën me nenin 24, prandaj edhe gjyqet me Vatranët na u bënë gangrenë.
Gjysh yt, Zogu i caktonte vetë besnikët, kështu bëjmë dhe ne,
mbi lumin Mat e lart i kemi emëruar kokat!
Jemi fuqizuar shumë si kryesi Federate, se nuk publikojmë 6 vjet rresht asnjë shifër për anëtarësinë dhe financat. Tek e fundit, nuk i japim kujt llogari edhe pse jemi në Amerikë. Ja, dëgjo:
Gjysh Zogu kur iku nga Shqipëria mori ca monedha flori me vete për oborrin; nuk i dha kujt llogari dhe edhe neve njësoj, na dalin ca kartëmonedha mangut në arkë të Vatrës, por nuk ti themi dot të gjitha sot.
Kur ishte gjysh Zogu mbret na kanë thënë se Vatra bënte përballje diplomatike me Grekët e Panepirotic Federation dhe Noli e pranoi mbretin të qeveriste Shqipërinë.
Po erdhe o nipi Zogut me banim në Amerikë ne të garantojmë se do të bëjmë anëtar kryesie Federate, se sot për sot e kemi në dorë emërimin;
ose po do të bëhesh anëtar Këshilli Federate më mirë do jetë, se ne këtë Këshill nuk e mbledhim fare.
Ky premtim nga ne për ty është deri më 26 Shkurt 2026, se aty na skadon afati.
Prandaj, kthehu pa merak në Shqipëri se kjo fotografi e darkës madhështore me flamurin e madh sa një faqe muri do të jetë edhe në faqe të parë të gazetës së Nolit dhe do ta dhurojmë një kopje dhe ty.
Në u bëftë Vatra vatikan a perandori, siç e kemi DEALIN e madh me ca shoq në kryesi të Madhe, një karrikeje në pallatin 12 milionësh të Vatrës në New York, kur ta bëjmë, po e bëmë,
do ti vëmë emrin tënd si garanci për miqësinë e Vatrës me familjen e gjyshit tënd.
Gëzuar ditën e flamurit, nipi i Zogut!
Discussion about this post