Artur Vrekaj
Massachusetts më,14 Nëntor, 2025
Thoma Nashi me bandën muzikore të Worcester (Uster) Masaçusets e kompozoi, botoi dhe drejtoi performimin e himnit kombëtar më 1918.
Bazuar në regjistrimet e arkivit të Discografi of American Historical Records kemi këto dokumentime:
Me shoqërinë Columbia matrix numër 87074 është regjistruar himni kombëtar me tekstin e Asdrenit “Betimi mi flamur” nga Spiridon T.Ilo, vocalist dhe bariton vocal dhe Giuseppe Mauro, vocalist, tenor vocal.
Discu ka numrin E-3948 dhe datë afërsisht Shkurt, 1918, i regjistruar në Nju Jork.
Gjithashtu, kemi edhe një regjistrim të himnit kombëtar me tekstin e Asdrenit “Betimi mi flamur” me shoqërinë Victoria matrix me numër 72187, me datë 28 Mars,1918 në Nju Jork nga tenori Giuseppe Mauro me etiketë disku B-21711.
Spiridon T. Ilo është flamurbërësi në Bukuresht, flamurmbajtësi në Boston më 1908, flamurmbajtësi në Bukuresht dhe Vlorë më 1912 dhe së fundi edhe bashkëkëndues i himnit kombëtar Shqiptar më 1918.
Ky material publikohet për herë të parë.
Artur Vrekaj, Massachusetts
Discussion about this post