Kryetari i Këshillit Kombëtar Shqiptarë Enkel Rexhepi n[ profilin e tij në facebok shkruan Ë
Në ambientet e Flori Gallery – Prishtina Mall, u hap me sukses ekspozita “Ngjyrat e Luginës”, një ngjarje e veçantë që solli për publikun kryeqytetas krijimtarinë dhe shpirtin artistik të shqiptarëve të Luginës së Preshevës.
Të pranishëm në këtë mbrëmje mbresëlënëse ishin artdashës të shumtë, profesorë universitarë, përfaqësues të kabinetit qeveritar, si dhe figura të njohura të jetës publike. Nderi i veçantë i kësaj ekspozite ishte pjesëmarrja e Kryeministrit të Republikës së Kosovës, z. Albin Kurti, i cili me praninë e tij dha një mesazh të qartë mbështetjeje për artin dhe kulturën shqiptare në Luginë.
Kjo ekspozitë është zëri i një brezi të ri artistësh që përmes ngjyrave dëshmojnë historinë, krenarinë dhe bukurinë e vendit tonë, një thirrje për më shumë vëmendje dhe më shumë dashuri për Luginën.
Faleminderit të gjithëve që ishin pjesë e kësaj nate të veçantë!
Ngjyrat e Luginës vazhdojnë të frymëzojnë!
Faleminderit Galleria Flori që i dha jetë këtij eventi.”
Diskutim rreth këtij postimi