Vuçiq theksoi se sanksionet do të ndërlikojnë më tej marrëdhëniet me Rusinë, duke theksuar se Serbia duhet të shqyrtojë me kujdes hapat e ardhshëm.
“Kjo na hap probleme me miqtë tanë rusë, nga politik në ekonomik. Cili është qëllimi? Të vendosen sanksione ndaj Rusisë? Është joreale. Duhet të shohim se çfarë do të thuhet konkretisht, sa kohë do të na mbetet dhe çfarë do të nënkuptohen me ato sanksione për shembull, a është e mundur të zvogëlohet pronësia ruse nën 50% Ne do të duhet ta diskutojmë këtë me rusët.
Ai shtoi se Serbia është në pritje të negociatave për marrëveshjen e gazit dhe se kanë arritur të gjitha marrëveshjet e nevojshme për këtë dimër.
“Ky është një vendim gjeopolitik që është duke u marrë për një kohë të gjatë dhe nuk është i papritur. Ne e dinim që Evropa po shqyrtonte sanksione për më shumë se dy vjet, por jo se SHBA po përgatitte një lëvizje të tillë. Kjo është arsyeja pse ne insistuam për ndërtimin e një tubacioni nafte për në Hungari, për të pasur një alternativë, ne do të gjejmë një zgjidhje, por duhet të flasim edhe me amerikanët edhe me rusët”, tha Vuçiq
Diskutim rreth këtij postimi