Pas Medvegjës dhe Bujanocit, erdhi koha që edhe Presheva të bëhet me Hallë Sportive moderne, ashtu siç i ka hije qendrës politike të shqiptarëve të Luginës. Halla Sportive do jetë qendër dhe promoter i zhvillimit të: Sportit shkollor dhe atij komunal, turnireve të ndryshme nga lojërat sportive: basketbolli, futsalli, hendbolli, volejbolli, boksi, etj. Pastaj, Halla Sportive do jetë edhe qendër e mbretëreshës së të gjitha sporteve – Atletikës, me të gjitha disiplinat sportive brenda saj. Gjithashtu, Halla Sportive do jetë edhe qendër e zhvillimit të kulturës në Komunën e Preshevës, si vazhdim apo fazë e dytë e ndërtimit dhe kompletimit të Shtëpisë ekzistuese të Kulturës, që është ndërtuar në vitet e shtatëdhjeta të shekullit të kaluar. Koncertet dhe aktivitetet e ndryshme kulturore, sportive dhe ato shoqërore e politike, tani më në mandatin katërvjeçarë 2024-2028 të qeverisjes së PVD-së do kenë vendin dinjitoz që e meritojnë.
Urimeeee dhe me fat!!!
Discussion about this post