Nail Draga, Ulqin
Diskursi politik
Pas zgjedhjeve parlamentare të mbajtura në Kosovë me 28 dhjetor 2025, temë e ditës në skenën politike është zgjedhja e presidentit/tës, sepse afati për të vendosur për kandidatin përkatës është data 4 mars. Sipas Kushtetutës, zgjedhja e presidentit duhet të bëhet jo më vonë se 30 ditë para përfundimit të mandatit të presidentit aktual.
Por, në sajë të rrethanave egzistuese në skenën politike në Kosovë, dhe animozitetit nga ana e opozitës ndaj shumicës parlamentare, ka gjasa reale të dështoj për zgjedhjen e presidentit brenda afatit të paraparë, sipas Kushtetutës. Dhe nëse një dështim i tillë ndodhë vendi do të shkojë në zgjedhje të parakohshme, që nuk është në favor të qytetarëve dhe demokracisë parlamentare.
Heshtje për idenë që presidenti të zgjidhet nga populli
Kujtojmë se në vitin e shkuar, pas një takimi që pati zhvilluar me partitë politike presidentja Vjosa Osmani pati deklaruar se zgjidhja me e drejtë është zgjedhja e kreut të shtetit drejtpërdrejt nga populli. Ishte ky një propozim i qelluar për të eliminuar dilemat e përkrahjës nga ana e deputetëve në kuvend për presidentin e ardhshëm. Por, nga ai takim e deri më tash opinioni nuk ka pasur ndonjë informatë së çka është punuar në këtë drejtim. Ndërsa heshtja e partive politike për një nismë të tillë, dëshmon se ata ende nuk janë të përgatitur të vendosin për një çështje e cila është në favor të demokracisë pluraliste.
Të vendosin qytetarët e jo deputetët
Pasi për zgjedhjen e deputetëve vendosin qytetarët, nuk ka asnjë pengesë objektive që edhe presidenti të zgjidhet nga populli. Një vendim i tillë do të ishte në favor të demokracisë, andaj kjo çështje është dashur të trajtohet më herët nga aktorët e skenës politike në Kosovë. Pa marrë parasysh se egzitojnë pengesa qoftë nga kushtetuta dhe mbeshtetja e komunitetit serb, kjo çështje ka merituar të debatohet, pa komplekse sepse imazhi pozitiv i Kosovës me ligjin zgjedhor do të duhej të plotësohej me zgjedhjen e presidentit nga qytetarët në vend të deputetëve, sikurse është bërë praktike deri me tani.
Ndryshimi i votimit të presidentit duhet kuptuar si proces në avancim të demokracisë, sikurse veprohet në vendet me traditë demokratike. Presidenti i votuar nga populli, nuk do të kishte obligim ndaj partive politike, sepse ai është produkt i votes popullore nga del se do të ishte mbi partite politike në favor të integritetit e sovranitetit të Kosovës. do të ishte komod ndaj subjekteve politike. Është çështje tjetër së kandidimi i presidentit do të mbeshtetët nga parti të ndryshme politike, qofshin nga pozita apo opozita, dukuri e cila është e njohur në demokracinë pluraliste.
Populli peng i partive politike
Moszgjedhja e presidentit nga populli deri më tash pengohet nga partitë të cilat duan të përfitojnë nga pazaret politike, si individë apo klanet e tyre.
Në këtë aspekt duhet të marrim shëmbuj pozitiv nga fqinjët ku presidentin e zgjedhin nga populli si Mali i Zi, Maqedonia e Veriut dhe Serbia. Ndërsa përjashtim në këtë drejtim paraqet Shqipëria, e cila vuan ende sot nga marrëveshja Berisha-Rama(2008) si për ligjin zgjedhor dhe zgjedhjen e presidentit. Andaj ka ardhur koha që edhe në Kosovë qytetarëve t´ iu mundësohet të zgjedhin vet presidentin e jo të jenë peng të deputetëve të partive politike në kuvend.
Nuk ka dilemë se ata të cilët i frigohen popullit do ta pësojnë prej tij, sepse vullneti dhe preferenca e votuesve është çështje e tyre personale e jo mundësi e mohuar si deri më tash nga ana e partive politike.
Presidenti në dy mandate
Në sajë të përvojës përvojes pozitive të vendeve me traditë demokratike presidenti i zgjedhur do të kishte mundësi të rizgjidhet edhe për një mandat, pra në dy mandate, një veprim i tillë do të ishte në favor të demokracisë dhe të qytetarëve të Kosovës.
Në rastin konkret presidentja aktuale e Kosovës znj. Vjosa Osmani do të ishte udhës që të mbeshtetej edhe për një mandat të dytë nga shumica aktuale parlamentare, por edhe nga deputetë të tjerë në kuvend.
Presidentja Osmani e meriton mandatin e dytë
Duke marrë parasysh se në sajë të kushtetutës në sallë duhet të jenë 80 deputetë, nuk do të thot se ata janë të obligueshëm për ta votuar, por mjaftojnë që të jenë në sallë, sepse për votim mjaftojnë 61 vota për ta zgjedhur presidentën, ku numri i votave të tilla të deputetëve janë nga shumica parlamentare.
Ndërsa duke parë angazhimin, qendrimin dhe guximin e shprehur deri më tash në mbrojtje të sovranitteit e integritetit të Kosovës ajo meriton të rizgjidhet për presidente, sepse për momentin ajo është kandidati ma i përshtatshëm dhe e kryen këtë funksion ma mirë se askush tjetër.
(Shkurt 2026)
Discussion about this post