SHKOLLA 9 VJEÇARE “DACAJ” NË DACAJ TË ROZHAJËS DHE BRENGA E NXËNËSES JETA DACIT QË DHEMB NË SHPIRT

 

Nga: Nuradin Imeraj

Prindërit e sajë Ali dhe Antigona Daci, pas 15 viteve martesë u bënë prindër, Jeta Daci lindi në Prishtinë më 18. 2. 2010

Shkronjat e para ia mësoi mësuesja Gjylshahe Jakupi. Është nxënëse në klasën e VI-të të shkollës fillore “Dacaj” në Dacaj të Rozhajës.

Jeta e filloi klasën e parë si nxënëse e vetme, po ashtu edhe sot vazhdon klasën e VI-të e vetme, pa e shijuar të drejtën për të pasur shokë e shoqe të gjeneratës, kur dihet se asimilimi dhe shpërngulja e ka bërë të veten në zvogëlimin drastik të numrit të nxënësve në Dacaj.

Mungesën e shokëve dhe shoqeve Jetës sikur ia afruan mësimdhënësit e kësaj shkolle të cilët mburren me sjelljet dhe suksesin e shkëlqyeshëm e cila në këtë e njeh gjuhën angleze perfekt dhe e ka pasion.

Sjelljet dhe edukatën e ka të mbjellë nga prindërit Ali dhe Antigona Daci të cilët krejt qenien dhe mundin ia kushtojnë fëmiut të vetëm që kanë në jetë, por me zemër të thyer e më brengë në shpirt e kanë shkollimin e sajë pas klasës së nëntë që duhet të gjejnë mundësitë ta vendosin diku në Kosovë ose Shqipëri, por prindërit e sajë për ta vazhduar shkollimin e mesëm synim e kanë Istogun e Ibrahim Rugovës aty ku Aliut i flenë shpirti e zemra sepse me Istogun e lidhin shumë ngjarje historike ndër vite, e në anën tjetër shpirti i tyre e dinë sa dhemb kur nga vetja duhet ta largojnë të vetmen dritë që e kanë për faktin se nëse do të ndërrojnë vendbanim ju duhet një strehe ku do të vendoseshin.

10 Shkurti 2022 ishte dita që e vizitova këtë shkollë, vizitë që më krijoj emocione për gjendjen e rënduar të kësaj shkollë ku më së pakti i përngjanë një shkolle të standardizuar të cilës i mungon çdo gjë, numri i vogël i nxënësve me vetëm 22 nxënës me klasa të kombinuara, dhomat e mësimit që as për së afërmi nuk i plotësojnë kushtet.

Drejtori i shkollës z. Shevqet Daci, na priti vëllazërisht dhe më dha mundësinë t’i vizitoj nxënësit e kësaj shkolle.

Sa e hapa derën e klasës u mbusha me emocione prekëse kurë e pashë një nxënëse të vetme me mësuesin Mehmet Gjonbalaj e kjo ishte Jeta Daci e vetme në klasë që përbënë një paralele, mësimet i ndjek në një dhomë të vogël 2 × 2.5, dhe jo vetëm kaq, Jetën e mundon problemi se çka pas përfundimit të klasës së IX-të?

Ku do ndjek mësimet shqip axhi Nuradin? më drejtohej me butësi Jeta Daci…..

Vërtetë nuk e kisha përgjigjen, por gjeta një përgjigje duke i thënë se kryeje klasën e nëntë dhe ne do të interesohemi të ju regjistrojmë në Gjimnazin “Haxhi Zeka” në Istog që sadopak t’i jap kurajo.

Jeta vajza e vetme e veprimtarit të shquar Ali Daci qeshi sikur donte të më thoshte se po të kishim mundësinë e strehimit me kënaqësi do të vinte për t’a vazhduar shkollimin.

Emocionuese vërtetë, uroj që të gjenden mundësitë institucionale edhe të njerëzve human që këta nxënës mos të na mbeten jashtë bankave shkollore të këtyre viseve ku nuk kanë përkrahje nga shteti.