15 Mars 2025
Një nga arsyet që e kanë shtyrë të vizitojë Shqipërinë me të cilën u dashurua ka qënë edhe njohja e Shqiptarëve të Worcester, Massachusetts.
Ajo ka veshur edhe kostumin kombëtar Shqiptar, ndërsa u ka folur audiencave Amerikane pikërisht për Shqiptarët dhe Shqipërinë.
Stella ishte njohëse e folklorit, muzikës, valleve e traditave të Shqiptarëve dhe ka lënë shënime nga puna e saj studimore në trevat Shqiptare në vitet 20-të dhe 30-të të shekullit të kaluar.
Shqipëria dukej e izoluar nga bota, por dashamirësit si Stella shkruanin edhe për Shqipërinë e asaj kohe në Amerikë.
Mes të tjerash…Stella shkruan:
” Shqipëri, tokë e shqiponjave të malit. Ti më ke magjepsur e kështu unë i jetoj përsëri dhe përsëri ditët që kalova me ty.
Në orët e zgjimit, në ëndrra unë shoh malet e tua, luginat, fshatrat, qytetet ;
unë shoh thesaret e tua dhe dua të të shoh fytyrën tënde, por janë sytë që më tregojnë mua historinë tënde.”
Diskutim rreth këtij postimi