Ministria për Europën dhe Punët e Jashtme ku Mërgata Shqiptare mbahet me koordinatorë të emëruar në bazë të ligjit të Diasporës duhet të ketë në strukturat e saj udhëheqëse në mos postin e ministrit të Jashtëm atë të Ministrisë së Mërgatës Shqiptare në botë me qëllim që Shqiptarët të jenë komb unik në Ballkan dhe në botë kur bëhet fjalë për të ecur bashkërisht në rrugën Euro-Atlantike;
për të administruar boshatisjen e Trojeve Shqiptare në dobi të rikthimit të Mërgatës Shqiptare;
për të lobuar me çdo mënyrë në parlamentin Europian dhe Kongresin Amerikan përkundër gjenocidit Sllav a Çështje të tjera kombëtare.
Strategjia për Diasporën ka mbetur në vitin 2024!
Asnjë projekt kombëtar nuk ka që gjysma e sovranit në Mërgatën Shqiptare të ketë vetëpërfaqësim në qeveritë e ardhshme të Tiranës dhe Prishtinës.
A jemi gati në Mërgatë të marrim përgjegjësi kombëtare përkundër rutinës programore foklorike në organizim?
Pse nuk shprehemi të kemi një bashkëkuvendim të Mërgatës Shqiptare Europa dhe Amerika me qëllim të kemi një strukturë të vetme përfaqësuese të MërgatësShqiptare në botë?
Nga kush e presim freskimin dhe përkushtimin për të punuar për strategjinë kombëtare të Diasporës/Mërgatës duke e parë realisht Mërgatën Shqiptare në vendimmarrje?
Sa për qind e administratës Shqiptare në Ballkan pritet të jetë me meritë në të tre shtetet Shqipëri, Kosovë dhe Maqedoni të Veriut nga Mërgata Kombëtare Shqiptare këtë fundvit 2025?
A duam ne Shqiptarët të sillemi si Europianë a Euro-Atlantikë në Ballkan, ndërsa kemi fatin e madh të potencialit intelektual kombëtar, numerik dhe të suksesshëm në Europë dhe Amerikë më së shumti pa përmëndur Turqinë?
Kuvendi i Shqipërisë do të hapet këtë vjeshtë 2025 pa zërin e Mërgatës kombëtare Shqiptare ?
Ç’tregon kjo ?
Pse më 1921 Tirana zyrtare ishte më e kthjellët për fuqinë e Mërgatës dhe sot e anashkalojmë dhe e cungojmë vetëm me ca koordinatorë?
Ti japim fund populizmit të klasës politike!
Ti japim edhe një mundësi vetëpërfaqësimit të Mërgatës kombëtare Shqiptare, pranimin e saj si palë kombëtare Shqiptare në Tiranë, Prishtinë dhe Shkup.
Ne kemi zgjedhur kryeministër Shqiptar në Kosovë me votat e Listës Serbe,
në Shkup me votat e sllavo-Bullgarëve,
në Podgoricë me votat e Serbo-Malazezve dhe sot nuk jemi gati të kemi :
Zëvëndëskryeministër Shqiptar nga Mërgata;
Ministër të Jashtëm nga Mërgata ;
Ministër Diaspore/Mërgate nga Mërgata ?
Ku më mirë se në Mërgatën kombëtare Shqiptare do ti gjejmë kandidaturat që nuk janë pjesë e skemave klanore të partive politike Shqiptare apo dhe atyre skemave antiShqiptare që frymëzojnë segmente të politikës në Ballkan?
Mërgata Shqiptare Kombëtare është!
Thjesht ta VLERËSOJMË sot!
Do të jetë vonë e më vonë nëse kjo strategji për Diasporën që ka mbaruar më 2024 në sirtarin e ministrit të Europës dhe punëve të Jashtme nuk bashkëbisedohet me Mërgatën dhe gjithë faktorin shtetbërës Shqiptar në Ballkan!
Një komb, një Mërgatë, një rrugë e ardhmërimit Euro-Atlantik!
Organizatat e Mërgatës janë, thjesht duhet reprogramim për vetëpërfaqësim me dinjitet!
Ndryshe le të gjejmë miq e klientelë nga Mërgata për tu dukur që ja edhe Mërgatës Shqiptare ja kemi bërë qokën!
Discussion about this post