Lavdi për jetë e mot heroit kapiten Adem Ukëhaxhaj – “GURI”!

Në altarin e lirisë, u shkrua me gjak dhe nder emri i një burri të rrallë – kapiten Adem Ukëhaxhaj, komandanti i vendosmërisë dhe besnikërisë, i njohur si “GURI”, që u bë gur themeli në organizimin e qëndresës sonë.

Ai ishte ndër të parët që i doli zot lirisë, u rreshtua krah për krah me kolonel Ahmet Krasniqin, dhe pa humbur kohë nisi organizimin e shtabeve lokale të UÇK-së – me vizion, me urtësi, me vendosmëri. Ishte njeri i fjalës dhe i veprës – komandant që fliste pak dhe vepronte shumë.

Në maj të vitit 1998, pata privilegjin të jem me të në disa vija fronti. Më 25/26 maj 1998, bashkë morëm pjesë në takimin e rëndësishëm të Shtabit Rajonal të Dukagjinit në Gllogjan – aty ku u vendosën gurët udhëheqës të rezistencës në atë pjesë të Kosovës.

Dhe vetëm pak ditë më vonë – më 30 maj 1998– ky burrë i rrallë, ma besoi një detyrë të shenjtë: më dorëzoi rreth 30 trima të rinj nga fshatrat e Dukagjinit, për të marrë armë në Tropojë. Ata burra u bënë forcë e gjallë për përballjen e radhës.

E kam kujtim të çmuar nga ai – një kapelë ushtarake(beret të gjerbërt) me stemën e UÇK-së, të cilën me nder e dhashë më vonë bashkëshortes së tij, zonjës Xhyla, në Gjermani – në banesën e veprimtarit e logjistikut Brahim Ukëhaxhaj, kamë letren që ma dha më porosi për kom. Sali Çekaj (list për armatime dhe teknik komunikimi).

Por zemra më dridhet kur kujtoj ditën që pasoi…

Më 2 qershor 1998, në një ofensivë të egër serbe, GURI u ngrit në përjetësi, duke rënë heroikisht – ashtu siç jetoi: në këmbë, me pushkë në dorë, me atdheun në zemër.

Ai nuk vdiq – ai u përjetësua.

Në rrugën e tij u rrit një brez i tërë lirie.

Në kujtimin për të – gjunjëzohen nderimi dhe lavdia.

Lavdi përjetë kapitenit Adem Ukëhaxhaj – GURI!

Emri yt do të rrojë sa të ketë zemra shqiptare që rrahin për liri!

Nder dhe mirënjohje përherë!”

Osman(Oso) Ferizi, 02.06.2025