Shaip Kamberi deputeti i vetëm shqiptar në parlamentin e Serbisë, me rastin e zgjedhjeve në Kosovë shkruan:
“KOSOVA MODEL JO VETËM PËR BALLKANIN
Me rastin e zgjedhjeve parlamentare të mbajtura dje, ju përcjell urimet më të sinqerta për një proces zgjedhor të suksesshëm dhe demokratik. Pjesëmarrja juaj aktive në këtë proces është një dëshmi e përkushtimit tuaj ndaj vlerave demokratike dhe të ardhmes së vendit
Ky proces zgjedhor është shembull i pjekurisë politike dhe demokratike, jo vetëm për Kosovën, por për të gjithë rajonin e Ballkanit. Pavarësisht sfidave, qytetarët e Kosovës kanë treguar se besojnë në fuqinë e votës dhe në ndërtimin institucioneve demokratike.
Uroj që institucionet e reja të punojnë në interes të të gjithë qytetarëve, duke forcuar demokracinë, zhvillimin ekonomik dhe bashkëpunimin rajonal e posaçërisht në mbështetjen e pozitës së vështirë të Luginës së Preshevës .
Uroj secilën parti politike për rezultatet zgjedhore, e Vetëvendosjen si subjektin fitues të zgjedhjeve.
Kosova është model i shkëlqyer për demokracinë dhe stabilitetin në Ballkan, dhe këto zgjedhje janë një hap i rëndësishëm në këtë drejtim.”
Discussion about this post