Këshilli për Mbrojtjen e të Drejtave dhe Lirive të Njeriut (KMLDNJ) ka reaguar ndaj deklaratave të fundit të dërguarit të Bashkimit Evropian (BE) për dialogun Kosovë-Serbi, Miroslav Lajçak, i cili ka thënë në Beograd se “Kushtetuta nuk është Bibël dhe se Kosova duhet ta ndryshojë atë për Asociacionin”.
Sipas një njoftimit për media thuhet se Lajçak disa herë mes Kosovës dhe Serbisë është deklaruar kundër pavarësisë së Kosovës dhe qartazi është rreshtuar në anën e Serbisë. Tutje në njoftim thuhet se Lajçak nuk tregoi pse kosovarëve po iu mohohet liberalizimi i vizave por u angazhua që të formohet AKS-ja, me kompetenca ekzekutive.
“Mirosllav Laçak, i dërguari i BE-së për bisedime midis Kosovës dhe Serbisë për normalizim të marrëdhënieve shumë herë është deklaruar kundër pavarësisë së Kosovës dhe qartazi është rreshtuar në anën e Serbisë. Në kohën kur flitej se pikërisht pro serbi Lajçak do të ishte i propozuari i BE -së për këtë hasi në kundërshtim të plotë të Kosovës, ky hermafrodit politik dhe moral i zbuti qëndrimet deri sa e forcoi pozitën brenda BE-së. Kur amerikanët kërkuan dinamizmin të procesit negociator, Mirosllav Lajçak i përshpejtonte hapat për ta marrë rolin kryesor. Ishte shumë aktiv në mbrojtje të një Gjykate Raciste – Gjykata Speciale, kurse shumë indiferent ndaj përgjegjësisë për krime lufte që i bëri Serbia në Kosovë dhe as që reagoi kur nga personalitetet politike dhe publike serbe u bë e ditur se autoritetet më të larta të Serbisë kanë kërkuar që varrezat masive në Serbi ku janë ekzekutuar shqiptarët nga Kosova të mbahen në fshehtësi”, thotë KMLDNJ.
Tutje KMLDNJ shton se gjatë vizitës së fundit në Kosovë, Mirosllav Lajçak nuk tregoi pse kosovarëve pi iu mohohet liberalizimi i vizave por u angazhua që të formohet Asociacioni i Serbisë në Kosovë me kompetenca ekzekutive.
“Në fillim heshtur tha se duhet te merret parasysh Kushtetuta e Kosovës kurse, ditën kur u nis për Beograd tha se nuk ka Marrëveshje përfundimtare me Serbinë pa formimin e Asociacionit sipas kërkesës së kriminelit të luftës, Aleksandar Vuçiq. Kur u afrua Beogradit, e shfaqi tërë paturpësinë dhe dyfytyrësinë morale dhe politike duke deklaruar se Kushtetuta e Kosovës nuk është libër dhe se ajo duhet të ndryshohet që të formohet Asociacioni. Lajçak në postin që e ka nuk është as i drejtë e as i paanshëm siç kërkohet nga një ndërmjetësues por është shumë i anshëm, dyfytyrësh dhe person të cilit nuk mund dhe nuk duhet t’i besohet. Me të nuk duhet të takohet asnjë politikan kosovar sepse haptazi po i mbanë anën Serbisë”, thuhet në reagim. “Me këto deklarata të paturpshme, anëtari i ekipit negociator të Serbisë Miroslav Lajçak, në vend të Marrëveshjes haptas po thërret për një luftë të re në Kosovë duke u angazhuar për një Republika Srpska në Kosovë. Prandaj, Mirosllav Lajçak, baju nga Kosova sepse nuk je i duhuri për të ndërmjetësuar. Me ty nuk ka marrëveshje por vetëm ruajtje të status quos apo konfliktit të ngrirë e që nuk i duhet as Kosovës dhe as rajonit përveç se të duhet ty dhe gazdës tënd, Aleksandar Vuçiq”.
Discussion about this post