Këso opozite duan armiqtë e Kosovës…!

Thjeshtë, Kosova, sipas LDK-së dhe PDK-së, duhet me vazhdu me u bë edhe më tej e varur nga Beogradi, sa herë që formon Qeveri (!)

Ata që janë mësu ta bëjnë këtë, duan sërish ta nxjerrin para aktit të kryer Kurtin e Osmanin, duke i detyruar ata që të ‘peshkojnë’ vota deputetësh në moçalishten politike të quajtur SRPSKA LISTA dhe nesër me thënë: “ja, ky Albin Kurti juaj nuk mundet pa deputetët e Vuqiqit të formojë Qeveri”.

Ruana Zot prej njerëzve shpirtligj që e bëjnë kabull me djegë shtëpinë e vet, vetëm me pa në shkrumb e hi shtëpinë e kojshisë….

Edhe zogjtë e malit e dinë se ky është një mesazh për A.Kurtin, e jo për V.Osmanin.

Duan të demonstrojnë muskuj të dëshpëruar opozitarë, sepse çuditërisht ka vite që PDKnë dhe LDKnë i bën bashkë një sindrom i së keqes që ato e manifestojnë brenda vetes dhe në dëm të interesit të përgjithshëm.

Është një pe i padukshëm që i lidhë do të këqia të përbashkëta të PDK-së dhe LDK-së dhe tani më u pa se ky pe mund të bëhet nyje dhe të lidhet në qafen e hollë të Kosovës me halle shumë.

Destruktiviteti asnjëherë nuk ka qenë aleat i duhur i njeriut të mllefosur dhe të pakënaqur me pafuqinë vetanake.

Këto parti mund të jenë të mllefosura me A.Kurtin që ua përgjysmoi lavdinë historike në zgjedhjet e 14 shkurtit, por ato nuk kanë të drejtë ta relativizojnë dhe ta mjegullojnë këtë fitore duke e çuar Kosovën edhe njëherë në zgjedhje.

LDK dhe PDK humbën nga A.Kurti dhe V.Osmani në zgjedhje, por ato duan të thuan se janë ende faktorë për të prishur punë.

LDK dhe PDK ende nuk kanë bërë një bilanc llogaridhëniesh para anëtarësisë së tyre për dështimet në zgjedhje, prandaj kanë nevojë për kompenzim të këtij dështimi, duke mos e votuar zonjën Osmani për Presidente!

Në milieun e këtushëm politik, që Kërlezha do ta përshkruante si ‘Balkanksa krçma’, gjithmonë gjendet një tufë njerëzish që inatin personal e shndërron në kauzë kolektive të një shoqërie të tërë.

Bravo be PyDyKy e LyDyKy…. edhe kështu qysh jeni, të cfiilitura nga furtuna e 14 shkurtit, për mrekulli po bashkëpunoni me Vuçiqin për ta plagosur edhe më tej Kosovën e lodhur nga mendësia e autodestruksionit.

Këso opozite duan armiqtë e Kosovës…!