Në Kosovë, një deputet i Kuvendit i kushton qytetarit taksapagues 2,331 euro në muaj, duke përfshirë edhe asistentin e tij. Me 120 deputetë, kjo shifër shkon mbi 279 mijë euro çdo muaj ose mbi 3.3 milionë euro në vit, zhvatje më ligjë.
Këto para nuk janë për shkolla, spitale apo zhvillim – janë për deputetë që nuk po e kryejnë punën, për asistentë të punësuar shpesh me lidhje familjare, e për privilegje që qytetari i thjeshtë vetëm mund t’i ëndërrojë.
Kuvend i pazareve, jo i popullit
Deputetët tanë nuk janë aty për të përfaqësuar qytetarin, por për të bërë pazare politike dhe për të zvarritur konstituimin e institucioneve.
Kuvendi është shndërruar në arenë të turpit kombëtar – aty ku Kushtetuta shkelet hapur dhe përgjegjësia politike është zhdukur.
Popull i lodhur, pa besim dhe pa entuziazëm,pa përspektivë.
Sot populli i Kosovës është lodhur, ka humbur durimin dhe ka humbur besimin. Nuk ka entuziazëm as për zgjedhjet lokale, sepse gjithçka shihet si lojë e pistë politike.
Kjo papërgjegjësi duhet të ndëshkohet.
Këta deputetë nuk meritojnë të votohen më. Kjo Qeveri e udhëhequr nga Albin Kurti dhe Vetëvendosje nuk meriton të mbetet në pushtet, sepse po e çon popullin drejt konfrontimit, shpërnguljes, varfërisë dhe poshtërimit.
Kush po fiton nga ky kolaps?
Vetëm Serbia dhe Aleksandër Vuçiqi.
Sa më i dobët dhe i përçarë shteti i Kosovës, aq më i fortë bëhet Beogradi në arenën ndërkombëtare.
Në vend që të mbrojnë shtetin, deputetët dhe qeveria jonë po i bëjnë shërbim armikut.
Mjaft!
Qytetarët e Kosovës nuk duhet të heshtin më. Heshtja është bashkëfajësi.
Është koha për ndëshkim politik, për t’i përjashtuar përgjithmonë nga skena ata që shkelin Kushtetutën, tallin qytetarin dhe i marrin frymën këtij vendi.
Kosova nuk është pronë private e deputetëve dhe qeveritarëve. Ajo u takon qytetarëve që paguajnë çdo ditë tatime dhe sakrifikojnë jetën e tyre për këtë vend.
Discussion about this post