Tani janë bërë 25 vite shtet, por asnjë qeveri – as e para, as e fundit – nuk ka sjellë rezultate të prekshme për mërgatën, pavarësisht premtimeve të shumta. Shpresa u rrit veçanërisht me ardhjen e VV-së dhe me zotimet publike të Albin Kurtit. Por sot, pas 5 vitesh qeverisje, faktet janë këto:
• Asnjë shkollë shqipe në mësim plotësues nuk është hapur apo financuar nga shteti.
• Asnjë qendër kulturore nuk është themeluar nga institucionet e Kosovës.
• Kartoni i gjelbër ende mungon.
• Diplomacia mbetet e politizuar, me emërime që pak kanë të bëjnë me meritën.
• Mërgata nuk ka përfaqësim të drejtpërdrejtë në Parlament – as vende të rezervuara.
• Ndërkohë, mërgata vazhdon të trajtohet si hambar votash, lavdërohet vetëm për remitancat dhe përdoret për foto e ceremoni, por jo për politika të qëndrueshme që ruajnë gjuhën, kulturën dhe identitetin tonë në vendet ku jetojmë.
E vërteta e hidhur është se mërgata vazhdon të mashtrohet dhe manipulohet, ndërsa kontributi ynë historik shpesh harrohet sapo mbyllet kutia e votimit.
Unë, si veprimtar i çdo periudhe të mërgatës, them hapur: është koha që mërgata të mos lejojë askënd të përfitojë më në emrin e saj.
Kërkoj llogari, përgjegjësi, vetëdijësim dhe respekt.
Politikan të papërgjeshem thithin si këta kecat poshtë.
Me respekt,
Oso Ferizi,22.11.2025
Discussion about this post