Me ftesë të “Kuvendi Kombëtar i Alpeve “, me 31 korrik 2022, nga Prekazi nisemi drejt Vermoshit. Në këtë ditë të bukur me diell, bashkë me Rizahun, Enverin, Arionin dhe Muhametin, nisemi për në skajin më verior të Shqiperisë, në Vermosh. Në oborrin e Qëndrës për Turizëm dhe mbrenda objektit (në katin e parë), Shoqata “Kosova për Sanxhakun”, me kryetar, Ismet Azizin, kishin hapur një ekspozitë të pasur:”Jeta e shqiptarëve në trevat e Sanxhakut, dikur”.
Në katin e dytë, në një sallë, ku ishin të pranishëm 92 pjesëmarrës, mbahej “Kuvendi Kombëtar i Alpeve”. Të ardhur nga shtete të ndryshme të Evropës, por edhe nga Amerika e Kanadaja, të pranishëm ishin edhe përsonalitete të njohur në optionen kombëtar dhe ndërkombëtar, si; Skënder Durmishi, Ambasador i Kosovës në Shqipëri, Besa Tafilaj-Pinchotti, Drejtore Eksekutive (COA) e Organizatës Kombëtare të Familie të Ushtarëve të Amerikas (NMFA- National Military Family Association), Emina Lekaj- Përlaska, Deputete në Parlamentin Kroat dhe kryetare e Komisionit Ndërkombëtar të Miqësisë;Kroaci-Shqipëri, Deli Balidemaj, Deputet në Parlamentin Bavarez, në Gjermani, Toni Marinaj, kryebashkiaku i Malsisë së Madhe, Gerta Duraku, Deputete e Qarkut të Kuksit dhe Sekretare e Komisionit Parlamentar të Integrimit Evropian në Kuvendin e Shqepërisë, Geator Mjeku, zv/Minister i Ministrisë sē Industrisë dhe Tregtisë së Kosovës, Dr. Faton Bislimi, anëtar i Bordit të Ligës Qytetare Shqiptaro-Amerikane në Kanada, Skënder Klaiq, Këshilltar i zv/Kryeministrit të Kosovës etj..
Madheshtia e këtij Kuvendi u shtua kur i ndahet Çmimi “Ali Ibër Nezaj”, kryetrimit, Ali Fazliut-Prekazit, i cili për 47 vjet luftoi për bashkimin e trojeve dhe popullit shqiptarë. Ky Çmim iu nda pasardhësve të Aliut; Rizahut dhe Muhametit. Dhe, drejtuesit e këtij Kuvendi më nderuan, mua, Maxhun Smajlin, duke ma besuar që këtë Çmim t’ua dorzoj pasardhësve të Ali Fazliut-Prekazit.
Discussion about this post