Sipas tij, çdo proces ndërkombëtar ku ka qenë e përfshirë Kosova ka zbuluar qartë se kush mbron parimin, sovranitetin dhe drejtësinë – dhe kush, në anën tjetër, gjen justifikime për Serbinë dhe mbyll sytë ndaj agresionit.
Deklarata e plotë e Korab Blakajt
“Kosova -test i ndershmërisë politike dhe personale.
Rasti i Mogherinit ka rikthyer për publikun një të vërtetë të thjeshtë: Kosova ka qenë dhe mbetet testi më i mirë për të dalluar politikanët parimorë nga interesgjinjt, ndershmërinë nga kalkulimet përsonale!
Në çdo proces ndërkombëtar ku është përfshirë vendi ynë, është bërë e qartë se: kush janë ata që qëndrojnë në anën e drejtësisë, që mbështesin parimet e sovranitetit dhe të drejtën e popujve për liri, ashtu si edhe ata që mbyllin sytë ndaj agresionit dhe gjejnë justifikime për Serbinë!
Grupi i dytë zakonisht e bën jo nga bindja, por nga interesat, ndikimet ose varësitë që nuk kanë të bëjnë me të vërtetën. Këta udhëhiqen nga përfitimit të fshehta, marrëveshje të nëndheshme apo interesa që nuk guxojnë t’i pranojnë publikisht.
Qëndrimet e Mogerinit për çështjen e Kosovës nuk kanë pasur motiv të pastër!
Për shqiptarët Kosova duhet të jetë vijë e kuqe.
Nuk kemi asnjë arsye të mbajmë qëndrim pro ndaj kujtdo që angazhohet hapur kundër Kosovës, qoftë diplomat, politikan apo analist. Nuk është çështje simpatie apo antipatie por është çështje parimi.
Asnjë shtet, komb apo qytetar nuk është i detyruar të mbështesë ata që punojnë kundër të drejtave të tij themelore, as ne!
Ata ndër ne që kundërshtonin Mogerinin, Borrelin, Lajçakun, Grenellin etj., nuk ishin dhe as nuk janë anti-europianë apo anti-amerikanë; por ishin dhe janë pro-shqiptar!”
Përfundim editorial
Deklarata e Blakajt e vendos debatin për Kosovën në binarët e tij të vërtetë: këtë çështje nuk mund ta zbehin interesat personale, as ndikimet e huaja. Qëndrimet e Mogherinit dhe të zyrtarëve të ngjashëm, sipas tij, duhen lexuar jo si diplomaci neutrale, por si veprime që shpesh kanë qëllime të tjera përtej drejtësisë dhe stabilitetit në rajon.
Në thelb, mesazhi është i qartë: qëndrimi ndaj Kosovës është gjithmonë tregues se kush respekton parimet dhe kush jo — dhe kjo mbetet një provë e rëndësishme për secilin aktor politik ndërkombëtar.
/redaksia/
Discussion about this post