ALBANIAN RELIEF FUND, 70 Fifth Ave, New York, 1914
President Charles Crane, sekretar William Willard Howard.
Howard, është patrioti Amerikan që ju gjend Shqipërisë, dëshmitari i masakrave Serbo-Malazeze të vitit 1913 ndaj Shqiptarëve.
Dokumenti i mëposhtëm u vërtetua kur Howard erdhi në Tetor 1915 me anijen “Albania” në Durrës për herë të dytë dhe solli gati 460 ton misër për farë dhe për bukë.
Shqipëria duhet ta nderojë këtë mik të Sajin në ditët më të errëta kur fqinjët në të katër anët e thikëronin Shqipërinë.
Howard është nismëtari për themelimin e Fondit Shqiptar të Ndihmës më 1914 në New York.
Më poshtë, është letër-thirrja e publikuar më 27 Mars 1914, në gazetën “New York Times”, që Howard bëri për të gjitha gazetat bujqësore Amerikane.
Letër e William Willard Howard për editorin e New York Times, 26 Mars 1914
Sapo kam ardhur nga udhëtimi 400 milje, pjesërisht me këmbë, përmes rajoneve në Shqipëri të shkatërruara nga trupat Serbe dhe Malazeze Tetorin e kaluar, dhjetë muaj më pas se të përfundonte lufta Ballkanike, unë kam pyetur ABCFM të përdorë informacionin dhe fotografitë e mia për të mbledhur një fond për ndihmën për refugjatët e uritur, të cilët tani po vdesin urie në një raport 100 në ditë.
Unë llogarita se 30 mijë burra, gra dhe fëmijë do të vdesin nga uria përpara përpara të korrave të sivjetme. Më shumë se 125 mijë Shqiptarë janë pa shtëpi.
Bordi ka refuzuar kërkesën time për në terren se nuk mund të ndërrmarrë një fushatë shtesë për Shqipërinë.
I zhgënjyer që bordi ABCFM nuk do të mbledhë një fond për të ndihmuar refugjatët e uritur në Shqipëri, unë u kam kërkuar fermerëve të Shteteve të Bashkuara përmes gazetave udhëheqëse të bujqësisë për misër për farë dhe për misër për bukë për fermerët e uritur në rajonet e shkatërruara nga të cilët unë jam kthyer.
Kjo thirrje do të shkojë për 300 mijë fermerët këtë javë. Unë besoj në këtë se përgjigja do të jetë e menjëhershme dhe bujare.
Fara e misrit, të cilën kam kërkuar të parën do të vijë me linjën e postës. Misri për bukë do të vijë me linjë mallrash.
Unë dëshiroj bashkëpunim të menjëhershëm të pak burrave që do të më ndihmojnë me formimin e një komiteti për të marrë dhe transportoj këtë misër, sapo të arrijë dhe të bëjë një thirrje të përgjithshme për fonde ndihme.
Pak burra duke vepruar menjëherë mund të shpëtojnë jetët e 30 mijë njërëzve që tani janë duke vdekur nga uria në një raport njëqind në ditë.
Unë kam të gjitha faktet, të dhënat, informacionin e përgjithshëm dhe fotografitë që duhen për këtë punë. Unë kam patur 8 vjet eksperience në këtë lloj pune. Gjithçka që unë kam nevojë më shumë është bashkëpunimi I pak burrave që do të bashkohen me editorët e gazetave bujqësore, për të shpëtuar jetët njerëzore.
William Willard Howard,
26 Mars, 1914
Shqipëroi sipas New YorkTimes, Artur Vrekaj.
…
Njëkohësisht, në periudhën 1913-1914 William Willard Howard ishte sekretar i fondit të ndihmës për Ballkanin i drejtuar nga Bordi Amerikan i Komisionerëve për Misionet e Huaja, dega e Stambollit.
Arsyeja pse bordi Amerikan e refuzoi një fushatë ndihme në Shqipëri ishte se Europa ishte në luftë dhe Shqipëria paraqiste rrezik për jetën e Howard.
W.W. Howard ja arriti qëllimit të ndihmojë Shqipërinë me themelimin e fondit Shqiptar të Ndihmës në New York.
Discussion about this post