Kryetari i LDK-së në Gjermani, Osman Ferizi, në një prononcim ka thënë se Gjykata Speciale me të drejtë ka akuzuar disa nga udhëheqësit e UÇK-së, pasi sipas tij, në Kosovë është krijuar një përçarje mes LDK-së dhe siç e quan ai, krahut uzurpator e hajdut e plaçkitës të Shtetit.
“Mendoi që është shumë e drejt potencimi nga ana e kësaj gjykate sepse për dy dekada për shkak të përplasjeve, shantazheve, vrasjeve dhe plagosjeve, publikimi i „ Listsve të Zeza“ , rivaliteti politik deri në eliminim fizik para, gjatë dhe pas luftës krijoi një ndarje, konflikt dhe përçarje banale mes krahut Institucional të drejtuar nga LDK dhe presidenti historik Dr. Ibrahim Rugova dhe krahut uzurpator e hajdut e plaqkites të Shtetit apo ish Shtabit të UÇK-se që deshtën ta monopolizojnë luftën dhe paqen”, është shprehur ai.
Ferizi thotë se për 20 vite do të ishte duhur që të zbardhen vrasjet politike në Kosovë, por ai mendon se që sistemi politik i korruptuar nuk arritën ta bënin këtë.
“Vrasjet e veprimtarëve , zyrtarëve, eprorëve e ish luftëtarëve të krahut Institucional janë të faktuara. Disa po harrojnë se ne për 20-vite nuk sollem drejtësi për të vrarët, GJND është produkt i sistemit tonë të korruptuar e kastruar, sepse zyrtarët dhe oligarkët për 20-vite institucionet dhe zyrat e Shtetit i kthyen në FOLE të plaçkitjes dhe hajdutërisë mu si ish luftëtaret në kohë të Feudalizmit kur merrnin prona në emër të fitores në beteja. Pra GJND është një e keqe për imazhin e UÇK-së por është një e mirë sepse i goditi si një tornado elementet që ishin Marioneta dhe i sollën dame ekonomike, stagnim të reformave dhe pasurim marramendës të oligarkisë në pushtet”, u shpreh ai.
Ferizi tutje bën thirrje që LDK-ja të del dhe ta mbështes Gjykatën Speciale, e jo të heshtë, ku sipas tij heshtja e LDK-së është irrituese, e paguximshme dhe hileqare, sidomos ndaj faktorit ndërkombëtar.
“Sjellja dhe heshtja e LDK-së është irrituese, e paguximshme ,hileqare, ndaj faktorit te brendshëm që në fushata proklamohej si viktimë, ndaj bashkësisë EU dhe SHBA, sepse nuk guxohet të dilet në mbrojtje të “njerëzve tanë“. Po ata qe u vranë të kujt ishin, pse u vranë, kush do i mbrojë nëse ne heshtim? Po si ka logjikë që një mekanizem që krijohet nga Parlamenti ynë të ndajë 20-milion për mbrojtjen e të akuzuarve kur dihet se kjo gjykatë është e ndërtuar nga miqtë tanë që na u gjeten në momentet më tragjike të historisë. Pa zbardhjen e vrasjeve politike nuk do ketë klimë bashkëpunimi e mirëbesimi nese këtij polarizimi politik. Fshehja prapa stemës së UÇK-së nuk do i shpëtoi nëse kanë gisht në skenarin e turpshem të likuidimeve dhe atë lavdi që kishin për 20-vite do zhbëhet. Në Dardani po troket një epokë e re, një rilindje e te pa klasat e vjetra e të shantazhuara e korruptuara”, tha Ferizi
Diskutim rreth këtij postimi